WordPress me Login URL change karna to aap jaan hi chuke hain, kya aapko Login page ka look bhi change karna hai?
WordPress ka default login form kuch is image ki tarah show karta hai; lekin aapko isko alag look me change karna ho to aap customize kar sakte hain.
Aap soch rahe honge ki yah work karne ke liye to coding ki knowledge honi chahiye, ji nahi wordpress par aisi plugins available hain jo yak kaam kar sakti hain.
Aaj main aisi hi popular 2 plugin ke bare me batane ja raha hu jis se aap apbe login page ko fully customize kar sakte hain.
Wo plugins ke name hain –
1. Install Login Customizer plugin
Sabse pahle hum is plugin ko install kar log-in page change karke dekhte hain.
Apne wordpress Dashboard par Plugins » Add New par click kare aur plugin search kar Install and activate kare.
Plugin install and activate karne ke baad aap isko dashboard panel par Appearance option par dekh sakte hain. Click kar open kare.
Now click Start Customizing
Start customizing par click karne ke baad next aapko Login Customizer par click karna hai (see below)
Ab aap right side live preview dekh kar Customizer plugin ke options open kar customization kar sakte hain. (see below)
- Logo: WordPress logo ki jagah aap apna photo laga sakte hain, just upload your photo and add.
- Background: Default white background ko remove kar aap koi image or colour background ke liye set kar sakte hain.
- Form background: White log-in form ka colour aap change kar sakte hain
- Form styling: Form styling me aap sign-in form ki size ko change kar sakte hain. Aap form par border set kar sakte hain.
- Field styling: Field styling me aap form text color change kar sakte hain, field ki size change kar sakte hain.
- Button styling: Login button ka look aap is option me change kar sakte hain.
Fully customize kar Save and publish kar settings save kar le.
Ab aap apne Login page ko ek new look me dekh sakte hain.
2. Install Customize WordPress Login page Plugin
Is plugin se aap apne sign-in page ko completely change kar sakte hain aur sath hi page par apne Social profiles icons bhi show kar sakte hain.
Plugin ko install karne ke liye Plugins » Add New par click kare aur search kar install and activate kare.
Plugin ko install karne ke baad aap isko Dashboard par Settings option me dekh sakte hain. Plugin par click kar open kare.
Plugin ke Dashboard par aap alag-alag customization ke option dekh sakte hain.
- Dashboard par sabse pahle custom login ko Enable/Disable kar sakte hain.
- Background design me aap login page ka background change kar sakte hain, aap koi bhi image add kar sakte hain
- Login Form settings me aap form ke look and colour, position ko change kar sakte hain
- Font settings me aap font change kar sakte hain, color change kar sakte hain, icons add kar sakte hain
- Logo Setting me aap wordpress ka default logo ki jagah apna logo add kar sakte hain
- Social settings me aap apne social icons add kar sakte hain.
Ye dekhiye maine kis tarah apna login page is plugin se customize kiya hai.
Conclusion
Apni WordPress site ka admin page customize karne se aap apni site ki branding ko improve kar sakte hain, ek tarah se aap jaise apne phone/Desktop me pasand ki theme use karte hain bus waise hi aap yaha bhi apne wordpress admin page ko design kar sakte hain.
Read Also:-
