Digital BankingInternet

SBI Internet Banking Online Activate Kaise Kare

Rohit patel April 26, 2017

sbi netbanking online activate

State bank of India ki banking ki sabhi facility online available hain chahe wo account open karna ho, Debit card, credit card apply karna ho, Fund transfer, IMPS, Mobile number change karna aur bhi na jaane kitni services hain jo aap online kar sakte hain.

Ab aap Internet banking bhi online activate kar sakte hain.

Pahle Internet banking activate karne ke liye aapko specially Branch me visit karna padta tha, uske baad form fill up karna padta tha, uske baad aapko Net banking kit provide ki jati thi.




Magar ab aapko Branch jaane ki jarurat nahi hai.

Aapke paas ATM or Debit card to hoga hi? Bus aapke liye wo kafi hai Internet banking Online activate karne ke liye.

Activate Internet banking Online (step-by-step)

Bahut hi easy process hain internet banking ko online activate karne ki. Aap sirf 2-minutes me activate kar sakte hain.

Aapko bus aapka ATM card and registered mobile number sath me rakhna hai. Are you ready?




1

Sabse pahle Onlinesbi.com par visit kare aur login par click kar Internet banking login dashboard par aaye.

2

Yaha aapko New User? Register here par click karna hai, click karne ke baad popup box me OK par click kare.

online sbi

3

Ab aapke browser me new small window open hogi jaha aapko apni banking details add karna hai.




onlinesbi new user

  • Account Number me apna Account number properly add kare
  • CIF Number aapki passbook me hai, wo enter kare
  • Branch code me apne SBI branch ka code enter kare, aap GetBranchCode button par click kar apna code dekh sakte hain.
  • Country india select kare
  • Registered Mobile number enter kare
  • Facility Required me Full Transactions Rights select kare, isko select karne se aap Net banking ka full use kar sakte hain.
  • Now click on Submit
4

Submit par click karne ke baad next screen me aapke Registered Mobile number par OTP receive hoga wo enter kar confirm kare.




sbi otp

5

OTP enter karne ke baad next screen me aapko:




  • I have my ATM Card (online registration without branch visit) select kar submit karna hai.

sbi internet banking new user

6

Agli screen me aapko ATM Card verify karne ke liye sirf Rs.1 ka transaction karna hoga. Baad yah Rs.1 aapke account me credit ho jayega.

  • Card ka number enter kare
  • Valid expiry date enter kare
  • PIN enter kare aur Submit kare

sbi netbanking registration

7

Agli screen me Pay par click kare

sbu netbanking online register

8

Ab agli screen me aapki Temporary Net banking User Name generate hogi, wo note kar le. (Aapke mobile par bhi receive hoga user name) Sath hi login karne ke liye aapko apna password create karna hoga. Password enter kar submit kare.

internet banking online

9

Great aapki Netbanking successfully Activate ho gayi hai. Aapko screen par message show karega.

internet banking register online

Ab aapko apne Temporary user Name and password se Netbanking me login karna hai.

Jo User ID aapko mili hai wo temporary hai first time login karne ke liye, isliye Login karne ke baad aapko apni strong New User ID aur new password set karna jaroori hai. Wo sab aapko login karte samay bataya jayega.

To is tarah se aap Netbaking ko bhi bina Branch me visit kiye online activate kar sakte hain apne ATM card se. Internet banking se aap banking ke sabhi kaam ghar par online kar sakte hain.

Tags

Related Articles

sbi add beneficiary

SBI Me Online Money Transfer Ke Liye Beneficiary kaise Add kare

April 26, 2017
free online image compress

5 Best Free Online Image Compressor Tools

March 12, 2017
NEFT RTGS IMPS difference

NEFT, RTGS और IMPS के बीच क्या Difference है – जानिए

May 30, 2017
change update aadhaar card birth date

Online Change/Update/Correct Aadhaar Card Birth Date

March 15, 2017

148 Comments

  2. Hi mere pass mera registered mobile number nahi hai n mein apna net banking ka password bhi bhool gaya hun to password kese change karu

    1. Password reset karne ke liye aap apna Profile password use kar sakte hain. Forget password par click kare aur follow process. ISke alawa aap Security Questions jo ki Net banking me set kiya tha first time uske jariye bhi password reset kar sakte hain

      1. Sir mera sbI ka atm hai to main kaise januga ki mera account current hai ya saving??aur ye current aur saving account hota kya hai ye bhi bataye please….

        1. Aapka Saving Account hai. Current Account unke liye hota hai jo har roj paisa nikalte hain aur deposit karte hain. Current account me Interest nahin milta, jabki saving me milta hai

    1. Net banking me 2 tarah ke password hote hain. 1) Login password jo ki account me login karne ke liye hota hai aur 2) Profile password jiska use verification and password change karne ke liye hota hai

  5. After registering on SBI net banking, I log in with user ID and password which I created at the time of registration, but it shows wrong password. What should I do?

  6. kya mai apni dukan k liye swipe machine le sakta hu aur eska kya charge hoga kaese melegi jbki dukan chori h tin Nom nhi h.

    1. Swipe POS machine ke liye aapko bank ki branch me jana hoga id proof, address proof aur aap jo shop chalate ho uska koi bhi proof sath me lekar jaye. Ek form fill karna hoga branch me bus aapka kaam ho gaya. POS machine ka koi charge nahi hota bus aapko dhyaan rakhna hai ki customer ke card ki koi bhi information aap misuse na kare

  7. sir, mere ATM card pr valid from jun 2011 he lekin us pr expire date nhi he to hm expire date kese pta kre. online register krwane ke liye expire date lgani he. plz.. help me

    1. ATM card par expiry date nahi hoti, usme valid thru date hoti hai wo enter kare. April 2007 kuch aisa.

  8. or sir 6 step me puri details dalne ke bad procces ke bad me ”invalid ATM card details, please try again with correct details” aata he. hr bar yhi pr rh jata hu

    1. Card ka Serial Number sahi se enter kare aur valid thru date and PIN bhi. wo sahi hai to error ka koi chance nahi

  9. I don’t have access to my registered mobile number. And i want to register for netbanking, how can i do that. Uske lie registered number chahiye, to mobile number kaise update kare? Bina branch m jaye?? Plz reply.

    1. Net banking online activation ke liye aapko Register Mobile Number aur ATM/Debit card chahiye. Agar aapka number bank me register nahi hai to register karaye

    1. ATM se paisa nikalte samay Aapke mobile number par SMS Alert receive hota hai, wo hi hai aapka registered number. Agar aapne bank me apna Mobile number register nahi kiya hai to register karaye

  11. 6 step ke baad vo Due to some technical problems we are unable to process your request. Please try later dikha rha hai

    1. Kuch technical problems ki wajah se aapki process nahi ho pa rahi hai, wait kare aur fir try kare. Aksar Server busy hone ki wajah se aisi error common hai

    1. Mobile number register hona jaruri hai. Branch me jaye aur number register kare. Yah bahut jaruri hai

    1. Browser ki cookies clean karke ek baar fir se try kare. Kyun ki server kabhi kabhi busy hota hai.

  14. सर मेरा atm card (maestro card)है। valid from oct 2010 लिखा है।स्वेप व् एटीएम से पैसे निकलते है।लेकिन नेट बैंकिंग के लिए रेजिस्ट्रेशन नहीं हो रहा है।

  15. ROHIT Sir, Mene aaj hi new user pe registration kiya But mujhe next page par notification mila ki (“You registered and for your temporary user name and password contact to your Branch”) ROHIT ji to kya ab mujhe branch me hi jana padega? MEre pass debit card bhi hai but option hi nahi mila. PLEASE Reply me

    1. Temporaray Username aur password se Net banking me login kare aur apna New Login ID and password set kare

  16. Good morning rohit ji.mene aapki posts Dekhi v padhi vastav me aap good jaankari share karte hai.rohit ji logo ki seva v turant jaankari dena har kisi ke vash ki baat nahi hai.yeh kaam to vahi log kar sakte hai,jinka dil big ho.Thank you ji.

      1. Rohit ji mere ATM card me valid thru and cvv number Nahi hai online payment bhi nahi hota hai kya net banking hoga
        Please reply me

    1. Online banking aap apne smartphone par banking application se access kar sakte hain. Net banking aapko sabhi banks free provide karti hain. Account open karte samay aap bank se net banking receive kar sakte hain.

  18. sir mere jan dhan ka account h me online internet banking registration nhi krr pa rha hu .baar baar show krr rha h due to sone technical problem plz try again m kya kru plz btaiye

    1. Kayi bar server busy hone ki wajah se aisi error aap face karte hain. fir se try kare. Agar nahi ho pa raha hai to aap branch me jahakr bhi net banking activate kara sakte hain

  19. I’m Mohd.Rafique.sir mane 4 month pahle by SMS SBI branch she userid or passward liya tha but mai dono bhool gaya noon an mane mobile number bhi change kar diya hai oar aj mai branch se kit bhi le aya hoon phir bhi login nahi ho raha tatha you have already registered dikha raha hai.
    Sir koi samadhan batayen bahut paresan hoon

    1. bank me jakar net banking ko reset karwaye aur new user ID and password bank se receive kare. Apna New Mobile number bank me register jaroor kare

  23. Sir maine new user id click karke apana pura account no aur puri jankari dal di hai but submit par click karne par Due to some technical problmas we are unable to proccess your.pls try later.
    Aisa Aa likhakar a raha hai..
    Pls help sir…

    1. Ha kuch samay se aisi error aa rahi hai. Agar aapko urgent hai to Internet banking aap bank me jakar 15 minutes me activate kar sakte hain

  24. Sir maine online net banking me new user id open karke usme apna account no.mobile no.ifc no.etc..
    Dal di.submit karne ke bad wo tecnical problam try lether likhakar aa raha hai…pls help..

    1. Kuch samay se aisi error face ho rahi hai. Agar aapko urgent net banking apply karna hai to aap bank me jakar kar sakte hain sirf 15 minutes me

  26. meri pass book me or statement me cif no. nhi h kese pta kru branch k alawa or koi tarika ho to btao

    1. SBI ki har passbook me front page par CIF number hota hai, check kare. Agar nahi hai to bank me jakar pooche aur passbook me note kar le

  28. sir mere pas ATM nahi h bus account no h aur mobile no registered wala. main kya kya service use kr sakti huan

    1. Aap SBI Freedom Application Download install kar online banking kar sakte hain. Jaise ki Fund transfer, recharges and more. Iske sath-sath Aap UPI app bhi download kar banking ke kaam kar sakte hain

  29. Sir mene 13 ya 14 bar sari details filed kr chuka ho pr RS1 ke transaction nahi ho rahi hai kabhi atm detail incorrect k kabhi technical problems show kr raha hai atm detail sari word to word sahi hai pr agy ke proses nahi ho rahi hai detail incorrect technical problems plz help kre sir……..

  30. Sir apne jo link deya hai is me jo details kase field krne hai keya key a field hoga plz help. ……

    1. Aapko apne account related details add karna hai. jaise ki account number, CIF and register Mobile number. CIF no. aapki passbook me hoga. Uske baad ATM card se rs.1 ka transaction karna hai bus kaam ho gaya

    1. Yes, kafi samay se yah error face ho rahi hai. Agar aapko jaldi hai to branch me jakar activate kare, sirf 10 minutes ka kaam hai

      1. Login aap kisi bhi time kar sakte hain, Login karne ke baad apna new user ID, password and Profile password set kare. Thank u

    1. Ji ha aap Net banking ,mobile banking ka benefit le sakte hain. Jan DHan Account aap SBI and other sabhi Private banks me open kar sakte hain

  33. Sir mujhe net banking Ki nayi kit Milo he. First time me login Karen par user name or password incorrect Dakha raha he. Kya karu

    1. Kit milne ke baad aapko login n password enter kar login karna hai aur fir uske baad apna new user ID, password aur profile password set karna hai. Agar login nahi kar pa rahe to bank me contact kare.

    1. Aapka matlab jo temporary user ID generate ki hai wo aap bhool gaye? Agar aisa hai to wo user id aapke mobile par bhi receive hui hogi. Agar yah problem nhi hai to fir se process kare

    1. NetBanking ka username change nahi hoga. Agar change karna hai to bank me jakar kar skte hain

  36. Sir net banking ho gaya hai . aur user id passward se khul bhi raha hai lekin uske under kam nahi ho raha hai to kya kare

    1. Complete netbanking ka use karne ke liye Full transaction rights ke sath Netbanking activate karna jaruri hai, kya aapne apply karte samay Full transaction rights option select kiya?

        1. Online Internet banking activate ke liye aapke paas Debit card aur Registered Mobile number hona jaroori hai. Kayi baar Simple yellow ATM card work nahin karta, Debit card sahi kaam karta hai

  37. Sir im srinivas mine bank me jakar inb kit laya usme user id password net banking me login kiya lekin login nahi ho rahahi?

  38. Rohit ji mera SBI bank account hai.lekin net banking nahi hai.mobile mai Google.com se net banking account bana sakta hu keise bonau plz plz tell me

    1. Nahi. Aapko bank me Net banking ke liye register karna hoga. Agar aapke paas Debit card hai to uske jariye aap online apna Netbanking activate kar sakte hain. Read

  39. sir mere pass atm nhi h mene online registration karke bank me registration form jama kr diya he. lekin mujhe first time user id aur ppk to mill gya he lekin password nhi mile he me password kaise prapt karu

    1. Agar aapke paas Card nahi hai to aapko Bank me jana hoga aur Netbanking ke liye apply karna hoga.

  41. Online sbi par visit kiya to vaha pe net banking ke liye new register opstion nahi aa raha sirf login araha hai jase ki username and password to new rgister kaise kare plz help mi sir

    1. login page par “New user?Register here” ki link clear show kar rahi hai, uske upar click kare aur apne Debit card ke through netbanking activate kare

  42. Sir .. mene net banking apke according ker to leya but application me jakr mene open kya to usme 3 step a rhe hai 1 ko to mene pura keya
    But 2 nd usme new profile password mag rha ha ek options us me question ka bhi h ap ye btay ke question bale options per kon sa fild krna ha or country ka options hai ye options to khul he nhi rha hai
    plz meri help kre

    Ager dobara se kru to already registered bta rha hai

    Plz help me….

    1. SBI Netbanking me aapko 2 passwords set karne padte hain 1) login password 2) Profile password. Hint Question & Answer aapko set karna jaroori hai, Question list me apna koi question select kare aur uska answer set kare. Jab aap apna Profile password bhool jayenge to Hint question answer se aap reset kar sakte hain

  43. Sir..

    Yaha tak to ho gya but isme jo ek options hai country ka bo options nhi khul rha hai is ke na khulne ki bajah se error a raha hai baki sari field ok hai country options ke problem a rhi hai

    Plz help me

    1. Plz try again, country me aapko INDIA choose karna hai. Maine aisi error kabhi face nahi ki.

  44. Sir, login problem ho rahi hai….

    1. your session expired pls login again.
    2. you alraday logged in……………
    3. due technical problem……………….

    pls help

    kahni bar bar login karne se account lock na ho jaye……………

    1. User ID and password generate karne ke baad aapko login karna hai aur uske baad aapko new username, login password and profile password create karna hai. Kayi bar technical error aati hai isme. Plz contact sbi complaint form, click Aap personally bank me jakar Internet banking apply kar sakte hain

    1. Bank account hai aur passbook nahi hai yah main first time sun raha hu. Aisi condition me aapko bank se contact karna hoga aur apne CIF number ke bare me poochna hoga.

    1. Kya aapke paas Netbanking user ID and password hai? Agar hai to kya aap login kar pa rahe hain? Login karne ke baad aapko payee add karna hoga aur usme baad aap fund transfer kar sakte hain. Aap SBI Anywhere app ke jariye easily money send kar sakte hain

    1. Netbanking ke liye aapko user ID and password chahiye wo aapko bank se receive hogi. aap Mobile banking apne registered mobile se kar sakte hain. SBI freedom app ke download and install kare and follow this guide

  48. Sir …
    Phone root kase karty hai iska kya faida hota hai or kya nuksan hota hai plz iski puri jankari de
    Plz sir help me…..

    1. Phone root ka matlab hai apne smartphone me custom software install karna. Suppose aapka Android phone Lollipop support nahi karta aur aapko Lollipop apne phone me install karna hai to aap custom ROM (custom lollipop) install kar sakte hain. Internet par aap yah download kar sakte hain. Install karne ke liye kayi software and Tools bhi sath me download ke liye available hota hain. Warning yah hai ki custom ROM install karne se aapke phone ki warranty void ho jati hai. Agar process sahi na ki jaye to phone dead bhi ho jata hai.

  49. Maine apene new account form par internet bank ke liye mark laga diya hai to muje user id password kab melega

    1. Internet banking ki user id aapko mobile par receive hogi aur uska password courier ke jariye milega.

  51. Hi sir maine online net banking bana liya hun fand transfar k optin me jane ye likhata h ans btaye ou are on viewing rights. If you want transaction rights, please go to e-Services–>Upgrade Access Level.

  52. Sar maine online net banking bana li h but uska use nhi kar pa rha hu ye problm ho rhi plz meri halp kijye ou are on viewing rights. If you want transaction rights, please go to e-Services–>Upgrade Access Level.

    1. e-services tab par click kar, upgrade transaction rights me full transaction enable kare. Agar nahi ho raha hai to yaha complaint kare click

        1. Yes. Apni home branch me visit kare aur apply kare. Just 15 minutes ka kaam hai

  53. Hi..Rohit Sir.mai net banking registration ke baad jab mai user id or password dalta hu to unable to fetch country code and name btata hai pls help me

    1. Aap yah kaam smartphone me kar rahe hain, aur sbi anywhere app par kar rahe hain to yah error face kar sakte hain. PC par try kare. Agar problem face tab bhi kar rahe hain to contact through this form

    1. ATM aur debit card ke liye aap online apply kar sakte hain aur apna card ghar par receive kar sakte hain, iske liye aapke paas SBI netbanking hona jaroori hai. follow this guide

    1. Bank में जाकर आप अपना CIF Number पता कर सकते हैं। यह Online आप नहीं देख सकते। Internet Banking है तो आप उसमें देख सकते हैं।

  57. Sir ..
    Mene bank se net banking ke ly kit to le li But username or password dala fir confirm password dala fir Iske bad future use username or kit no. Dala lekin ye process puri nhi ho rhe hai plz help me sir

    1. Net banking me bank aapko User ID and Password deti hai, wo aapko Login page par enter karna padta hai. Login karne ke baad new screen me aapko apna new user name, new login password aur profile password set karna padta hai. See this process.

    1. ATM card nahi hai to aapko Online netbanking activate nahi kar sakte, aapko bank me jakar apply karna hoga

  59. Sir Miane Online Net Banking Registration Karraha tha (5) step
    Me Maine 2nd Select Karliya Jisse Mai Aange Ki Prosses Nhi Karparaha Hu
    aur mai user id & Password dal raha hu to galat bata raha hai forget password karne par puro prosses karne ke baad galat bata raha hai

    1. USer id aur password mil jane ke baad us se aapko login hona hai aur apna new user id, login password aur profile password set karna hai. Aapne jaroor kahin mistake ki hai. Fir se Register kare, sayad ho jaye

  60. धन्यवाद आपने बहुत ही बढ़िया और विस्तार से जानकारी दी। कृपया इसी तरह का लेख देते रहे।
    ऐसे लेख सभी को सही मार्गदर्शन करते है। पुनः धन्यवाद ….

  61. dear sir/madam mai apna atm pin change krna chahta hun kaise hoga process batao plz

    1. PIN change aap ATM par, Internet banking se kar sakte hain. Agar aapke paas Internet banking hai to follow this guide Click

  62. में इंटरनेट बैंकिंग एकाउंट बना रहा तो मैंने गलती से एटीएम नही है को टीक कर दिया तो लास्ट में एक pdf dawonlod हुआ

    में क्या करु ????

    9617326819
    पर मुझे बातये plezzz

    1. Agar aapke paas ATM card nahi hai to aapko Bank me jakar wo form fill kar dena hoga aur fir bank aapko user id aur password degi jiske jariye aap net banking use kar sakte hain.

  63. Ye PPK jo sbi login Ke sath aata h wo kya h, Mera sbi login nhi ho raha h, I’d to sms me Aaya tha vo dala h, PPK kya h

    1. ID aapko SMS ke jariye milti hai aur Post ke jariye aapko Password bheja jata hai, Password mil jaane ke baad aap yah process follow kare Read

  64. I do not have atm card (activation by branch only)
    Pe jake maine net bainking registered kiya tha . Aur mai bank me form aprove nhi kar paya hu, aur mai password bhol gya hu . Aur form aprove karana hai kya karu , password kaise pata karu

    1. Agar aapke paas ATM card nahin hai to ab aapko BANK jakar Net banking ke liye apply karna hoga. Jo ki 15 minute ka kaam hai

  66. sir mera net banking personal account account tha pr mene use block kr diya to me dubara se account kholna chahta hu ….. kiya krna padhega

    1. Aapko Bank me jakar fir se apni Netbanking unblock karni hogi, yah kaam online nahi ho sakta

  67. Sir mein jub ATM se rs nikalte he tabbi msg aata he account me payment jama hone per msg ni aara. Fir kya jis pe ye msg aata he wo no registered mana Jayega kya

    1. Ha. Jis par aap Message receive karte hain wo aapka Registered Mobile Number hai

  68. Q1:Sir registration to ho gya pr maine ek br bhi I’d nhi kholi .to aage kya process Kru kyu ki user id or password invalid bta rha h..
    Q2:kya isko deregister kr skti hu taki m PURA process dubara kr SKU..plssss repy

    1. temporary user id and password generate karne ke baad aapko Login kar new user id, password set karna padta hai. Agar wrong bata raha hai to fir se generate kare.

Close
Close