Digital Banking

PayTM Se Kisi bhi Shop Par Money pay kaise kare?

Kayi local shop par aap ab jayenge to aapne dekha hoga ki ab wo PayTM payment bhi accept karte hain, matlab ki aap waha payTM ke through pay kar sakte hain.

Demonetization ke baad digital payment ki taraf kafi zor diya jara hai. Abhi-abhi BHIM app bhi launch hui jisme aap apna koi bhi bank account link kar online money transfer kar sakte hain.

Read: PayTM se Money send and receive kare

Demonization ka sabse bada benefit agar kisi company ko hua hai to wo hai PayTM. Ji ha ab aap har shop par PayTM ke through paisa pay kar sakte hain. PaytM se pay karne ke liye aapko chahiye smartphone aur paytm App, jiske jariye aap apne Paytm wallet se shopkeeper ko payment kar sakte hain.




Jis kisi bhi shop par agar aap “PayTM accepted here” ka board dekhe to bus pay kare payTM, cashless hokar.

To chaliye aapko batata hu kaise aap PayTM ke jariye kisi bhi shop par cashless payment kar sakte hain.

PayTM se Shop par Money Pay kaise kare?

PayTM – ek bahut badi digital financial company hai. PayTM ek tarah se aapki digital bank hai. Jiska use Money transfer, recharges, online payment ke liye aap kar sakte hain.

Hum baat kar rahe hain PayTM se kisi bhi shop par kaise pay kare – To iske liye aapko apne smartphone par PayTM Application install karna hai. Payt App Android, iOS and Windows Phone par available hai. Agar aapke paas Phone nahi hai to don’t worry aap PayTM.com website par bhi iska use kar sakte hain.




Step- 1: PayTM par Register kare

Sabse pahle PayTM Application apne smartphone par install kare.

Application ko open kare aur apna Mobile number enter kar register kare.

paytm app register

Register karne ke baad Application me apna number and password enter kar login kare.




Step -2: Apne PayTM wallet me Money add kare

payTM App me login karne ke baad sabse pahla kaam aapko karna hai apne wallet me money add karna. Ji ha jis tarah se aap apne pocket me cash rakhte ho bus waise hi aapko apne paytm wallet me money add karna hai. Jab wallet me money hoga tabhi aap pay kar payenge.

Money add karne ke liye aap Net banking, Debit card and UPI ka use kar sakte hain.




Wallet me money add karne ke liye sabse pahle Add Money par tap kare.

paytm add money




Next screen me amount enter kare, aap Net banking ya fir Debit card, ya UPI ke jariye kisi bhi bank account se apne wallet me money add kar sakte hain.

paytm add money

Successful Money add karne ke baad aap apne wallet me add ki gayi total Money dekh sakte hain.

Step – 3: Apne wallet se Paisa shop par pay kare

Ok, to ab hamare wallet me paisa hai yani ki wo paisa ab hum kisi ko bhi pay, send kar sakte hain. Aap chahe to wallet ka paisa kisi ke bhi bank account me send kar sakte hain, kisi ke payTM wallet me send kar sakte hain.

Yaha Hum Shop par payment kar rahe hain.

Ok, to maine Shop par shopping kar li ab mujhe payment karna hai. Shop wala PayTM accept karta hai yani ki main apne payTM wallet se pay kar sakta hu.

Sabse pahle main apni PayTM App open karunga, login karunga.

Application open karne ke baad ab main Pay par tap karunga.

paytm pay money

pay par tao karne ke baad main 2 tarah se paisa pay kar sakta hu.

paytm pay money

  1. Aap Shop wale ka Mobile number enter kare aur money send kare
  2. Shop wale ka PayTM QR Code scan kare aur pay kare

Aaiye dekhte hain kaise?

Pay par tap karne ke baad aapko agar Mobile number se pay karna hai to shopkeeper ka PayTM se registered Mobile number enter kare, aur Amount enter kar send par tap kare. Send karte hi shopkeeper ke paytm wallet me wo paisa credit ho jayega.

paytm pay money

Agar aapko QR code scan karke pay karna hai to shopkeeper ka Paytm QR code apme payTM App se scan kare. Lagbhag sabhi PayTM user ko payment receive karne ke liye App ke andar ek QR code provide kiya jata hai.

pay money using QR code

Scan karne ke liye Scanner ko QR code ke saamne lekar aaye, jaise hi QR code scanner par detect hoga waise hi next screen me aap amount enter karke pay kar sakte hain.

To is tarah se aap kisi bhi Shop par jo payTM accept karte hain unko pay kar sakte hain, isko kahte hain cashless transaction.

To ab se kisi bhi local store par agar kuch buy karne jayen aur agar payTM use karne ka chance mile to jaroor use kare.

Tags

Related Articles

6 Comments

  1. Sir Aapke Post Ke last Me Jo Power By Google Me Aap Ka Other Post hai,Ye Google Adsense Me Ye option Kaha rahta hai, Jisse Hum Bhi Post Se Releted Adsense Ka add Show kar Sake

    1. Yah Google Matched content Ad unit hai. Jab aapki site par good traffic receive hoga tab aap yah Ad unit Adsense me create kar sakte hain. Read here

  2. Mujhe jaha par transfer karna hai . Waha par kewal `NEFT , (National Electronic Funds Transfer ) Se bheja rupey accept hata hai . Kya mai yaha se transfer kar sakta h00

    1. NEFT ka use karne ke liye aapko Bank ki Official App ka use karna hoga. AGar aapka Account SBI me hai to aapko SBI Net banking ya fir SBI Anywhere Mobile App par apne User ID and password se login kar NEFT account add karna hoga aur add karne ke 4 hours ke baad aap usko NEFT fund transfer kar sakte hain

Close
Close