HomePlugin

WordPress Me Plugins Kaise Install Kare [3 Methods]

Like Tweet Pin it Share Share Email

method install plugin

WordPress me plugins ka kaam hota hai aapki site me alag-alag features and functions ko add karna. Bina plugins ke aap wordpress site ke bare me soch bhi nahi sakte.




Kuch aisi plugins hoti hain jo aapko wordpress install karne ke baad install jarur karna chahiye wo aap meri essential setting after wordpress install me dekh sakte hain.

Yaha main aapko batane ja raha hu wordpress me plugins install karne ki 3 different methods. Jo aapke kaam aa sakti hain.

Plugins Kya Hai?

WordPress me plugin ek software ki tarah hoti hai, jis tarah hum apne computer par alag-alag kaam karne ke liye application install karte hain jaise ki video editing, image editing, video play karna etc etc.

Theek waise hi hum apni wordpress site me tarah-tarah ki new features add karne ke liye plugin ka use karte hain.

Plugin ke bina hum wordpress ke baare me soch bhi nahi sakte kyunki wordpress to ek software hai jo hamare hosting server par install ho jata hai aur keval usme aap simple se dikhne wali website bana sakte hain. Ab website me new features add karne ke liye aapko plugins ka use karna padega.




Kuch plugins ke example deta hu:

  • W3 total cache jo aapke site ki speed ko improve karti hai
  • Akismet plugin jo aapki site par SPAM comment ko remove karti hai
  • Wp Smush jo aapki post ki images ko compress karti hai
  • Ad inserter jo adsense jaisi ads site me lagane ke kaam aati hai

Aur bhi aisi hazaro plugins available hain wo bhi free jo aap apni site me install karke use kar sakte hain.

Plugins ke bare me to aapne jaan liya ab inhe install karne ki 3 methods ke bare me bhi jaan lijiye:-

WordPress Plugins Install karne ki 3 Methods

WordPress me plugins ko install and Activate karna bahut easy hai. Size me small hone ki wajah se kuch seconds me hi install ho jaati hain.

1. WordPress Dashboard se Plugin Install Kare

Yah method sabse easy and fast hai aur most of time aapko iska hi use karna padta hai. Is method se aap apne wordpress dashboard par se wordpress me available free plugins ko install kar sakte hain.

Install karne ke liye apne Dashboard par Plugins » Add New par click kare.

add-plugin




Add New par click karne ke baad aap koi bhi plugin ko search karke Install Now par click karke Install kar sakte hain.

search plugin

Install karne ke baad next Activate Plugin par click karke Activate kar le.

activate plugin

2. WordPress dashboard se Plugin upload kare

Is method me aapko Plugin ki zip file upload karna hota hai. Yah method tab kaam aati hai jab aapne premium plugins purchase ki ho, kyunki wordpress directory me aapko just free plugins hi available hoti hain.

Premium plugin purchase karne ke baad aapko Zip file me plugin download karna hai. Ab apne dashboard par Plugins » Add New par jana hai. Yaha aapko sabse top par Upload Plugin par click karna hai.




upload plugin

Ab aapko Plugin ki ZIP file select karke install kar dena hai. Install karne ke baad jaisa ki maine upar bataya Activate plugin par click karke Active kar de.

upload plugin

3. FTP Client se Plugin upload kare

Kabhi-kabhi premium plugins size me badi hone ki wajah se directly dashboard se upload nahi hoti jaisa ki method 2 me maine aapko bataya. Aise me aapko FTP client se yah file upload karni padti hai apne hosting server par.

Sabse pahle ZIP file ko extract kar le. extract karne ke baad plugin ki file ka folder create ho jayega. Ab is folder ko aapko FTP se upload karna hai.

upload plugin filezilla




Sabse pahle filezilla ftp client se apna hosting server connect kare. Connect karne ke baad aapko aapke Right side hosting server par Public_html » wp-content » Plugins folder me us extract folder ko Drag karke upload karna hai.

Ab apne wordpress dashboard par login karke Plugin ko Activate kar le.

Third method ka use aapko kabhi-kabhi karna pdta hai ya ho sakta hai kabhi na karna pade. Isliye yah method main recommend nahi karta new wp user ke liye. Aap method 1 and Method 2 ka hi use kare.

Read Also:

Comments (7)

  • yeh boht hi helpful jankari h… mere jaise hindi readers ke liye ye acchi jankari h

    Reply
  • Sir me Arohi Pcbox.in ki Founder Aapk Site ko Me Humesha Follow karti hu Coz Aapke Site ki Content Vakahi Me Fabulas Hai !

    Me Ummid Karungi ki Aap Esi Tarah Post Publish karte Rahe Aur hume Aur Humare Jaise Blogger Ka Fayda Hote Rahe ( Thank You )

    Reply
  • wordpress theme ka menu widget foter coller kaise change kare

    Reply
    • Author

      Iska option theme me available hota hai. Agar available nahi hai to bhi aap CSS style se color change kar sakte hain. Theme jaha se download ki hai uske support forum me aap iske bare me pooch sakte hain.

      Reply
  • Apke jaisa comment box kaise add kare

    Reply
    • Author

      Comment box theme design pr depend hota hai. Aapki theme alag hai matlab aapka comment box different hoga. Ha aap customize kar sakte hain, jaha se theme download ki hai waha help forum ki help le

      Reply

Leave a Reply

Your email address will not be published. Required fields are marked *