HomeSecurity

Custom WordPress Login URL Kaise Create Kare?

Like Tweet Pin it Share Share Email

wordpress custom login url

WordPress Installation ke baad aap 2 login URL se apne wordpress dashboard se login karte hain, wo address hain:-




  • yoursite.com/wp-admin.php
  • yoursite.com/wp-login.php

Lagbhag sabhi wordpress site is login URL ka use karti hain apne account me login karne ke liye, aap bhi yahi address type karke apne account me login karte honge, Right?

WordPress par aisa koi way nahi hai jaha aap apna personal custom login URL set kar sake, kyunki same log-in URL hone se ek tarah ka security risk hamesha bana rahta hai. Agar custom URL hoto hum apni site ko aur bhi jyada protect kar sakte hain.

WordPress to aapko custom login URL create karne ki permission nahi deta but aap yah kaam Plugin ke through easily kar sakte hain. Aaj main aapko iske bare me bata raha hu.

WordPress Login URL kyu change kare?

Is se pahle main aapko Login URL change karne ki process batau, sabse pahle yah jaan lete hain ki aapko kyu apna default URL change karna chahiye?

1. Brute Force Attack Se site Safe Rahti Hai

Security ek aisa sabse bada reason hai aapke site ka login address change karne ke liye. Address change karne se website owner apni site ko sabse bade attack Brute force attack se protect kar sakte hain.




Brute force Attack me hackers aapki Login details ko Guess karta hai aur jab sahi details mil jati hai to wo aapki site me enter kar jata hai. Login details me attackers ko aapki 3 details jaanana jaruri hai, wo hai,

  • Aapka User name:-  User name ADMIN rakha hai to hackers ke liye bahut easy hai.
  • Aapka Password: Weak password hai to isko koi bhi break kar sakta hai.
  • Aapka Login URL: Default URL hai to wo to koi bhi enter kar sakta hai.

Yaha hackers ko sabse pahle kya chahiye, bilkul sahi sabse pahle aapka Login address chahiye, agar aapka address “wp-admin” or “wp-login.php” hai to attackers ko sirf aapka user name and password guess karna padta hai.

Lekin agar aap apna Login address change karte hain to hackers ko aapki site me enter karne ka koi way nahi milega, sabse pahle usko aapka URL pata karna padega aur uske baad aapki user id and password.

2. Aap apni Site ko hackers se Hide rakh sakte hain

WordPress par daily kayi site hack ki jati hain, iske peeche sabse bada reason hota hai, ki hackers ko pata hai yah site wordpress platform par create ki gayi hai.

Jaise ki aapki site wordpress par hai to main aapki site ka login url: yousite.com/wp-admin – type karke jaan sakta hu aap wordpress use kar rahe hain.

Ab maan lo aapne apna Login URL change kiya hai to sabse pahle to aapki site hackers ki nazar me nahi aayegi, aur agar aa bhi gayi to usko aapki site ko hack karne ke liye Login address nahi pata hota.

3. Aap apni Login screen ko design kar sakte hain

Most of webmasters apni site me login screen ko professional banane ke liye custom sign-in URL rakhte hain. Specially jo multi-users site hain wo custom address ka use karti hain.




Zara sochiye agar aapka address yoursite.com/wp-admin ki jagah kuch aur aapke according ho to kaise rahega? Aur sath hi apaki site ka logo bhi sign-in window me show kar raha ho. Iske bare main aapko baad me bataunga.

WordPress Login URL Kaise Change kare?

Ok, to ab hum jaante hain kaise aap apna default Sign-in URL change kar sakte hain wordpress par.

Jaisa ki maine bataya, yah kaam karne ke liye aapko Plugin ko install karna padega, iske liye wordpress repository me kayi plugin available hain but sabse popular plugin hai:

WPS Hide plugin se aap apni wordpress site ka login URL hide kar sakte hain, don’t worry aapka URL delete nahi hoga sirf hide hoga aur inaccessible hoga. Aap URL change karne ke baad apne new address se sign-in kar sakte hain.

Agar aapko apna default log-in address wapas set karna hai to aap plugin ko disable karke yah kar sakte hain.

  • Sabse pahle apne wordpress Dashboard par se Plugins » Add New par click kare aur “WPS Hide Login” Plugin search karke Install and Activate kare.

wps hide login plugin




Plugin successfully install hone ke baad ab aapko sirf Settings » General me jana hai aur yaha sabse below aapko ‘WPS Hide Login’ ka option show karega.

wps hide login plugin

  • Yaha aapko apna custom URL add karna hai. wp-admin ki jagah aap koi bhi text add kar sakte hain. Jaise ki maine above image me rohit-login add kiya hai.
  • Change karne ke baad apna new log-in address note karle, warna agar bhool gaye to login karne me problem hogi.
  • Now Save changes karke save kare.

Alert! Apna New address note karke jaroor rakhe, agar aap Bhool gaye to site access nahi kar payenge. 

Ab main apne default address se login karke dekhta hu.

wordpress login disable

Jaisa ki aap dekh sakte hain, main apne old address se login nahi kar pa raha hu, Disable show kar raha hai.




Mean log-in karne ke liye aapko apna new URL enter karna hoga.

To is tarah se aap wordpress me apna Log-in address change kar sakte hain WPS Hide plugin se.

Agar aapko apna old default address wapas lana hai to just plugin ki disable kar de. Disable karne ke baad aap apne wp-admin address se login kar sakenge.

Read Also: WordPress dashboard ke bina Plugin kaise Disable kare

Comments (0)

Leave a Reply

Your email address will not be published. Required fields are marked *