HomeWordpress

WordPress Basic Guide for Beginners (Startup Guide)

Like Tweet Pin it Share Share Email

WordPress par aap jab ekdam new hote hain ya fir wordpress Blog start karne ki soch rahe hain to sabse pahle uske bare me basic knowledge aapko hona bahut jaroori hai.

Basic knowledge me Post kaise kare, theme install kaise kare, plugin install kaise kare, pages kaise add kare, Photo kaise upload kare etc etc baate hain jo aapko pata honi chahiye.




Aaj main apne New wordpress users and jo WP Blog start karna chahte hain unko kuch Basics wordpress guide batane ja raha hu.

Mere paas kayi comments aati hain jisme aisi basic cheejo ke bare me readers mujhse question poochte hain. To chaliye aaj main wo sabhi questions ke jawaab aapko de deta hu.

WordPress Dashboard Basic Guide

WordPress dashboard aapka main place hota hai jaha aap apni Site ko manage/access karte hain. Yahin par hum Post add karte hain, theme install karte hain, plugin add karte hain, website design karte hain aur sabhi kaam site de related hain wo wordpress dashboard par hi karte hain.

Hosting par wordpress install karne ke baad aap apne wordpress Dashboard par login kar sakte hain.

WordPress Dashboard par login karne ke liye aapko login area me apna username and password enter karna padta hai wo sab wordpress installation ke samay aapko set karna padta hai.




WordPress Dashboard me login karne ke liye sabhi website ke liye ek login URL hota hai jisme sirf site URL alag hota hai baki same hota hai.

For example, mera wordpress login URL hai “askmehindi.com/wp-login.php” OR “asskmehindi.com/wp-admin” hai.

Jaisa ki above mera wordpress login address hai waisa hi sabhi site ka hota hai, chaange hota hai sirf site name, maltlab askmehindi.com ki jagah aapko sirf apna site address insert karna hai.

To aap apne wordpress dashboard par login kar chuke hain, ab aaiye Dashboard par one by one Basic cheejo ko learn karte hain.

1. Post Kaise Kare

WordPress Dashboard par login karne ke baad sabse pahla sawaal hai Post kaise kare, kaha se start kare, wo hi to main kaam hota hai.

WordPress par Post karne ke liye aap left Side options panel me Posts option dekh sakte hain. Bus Posts me Add New par click kare.

Add New par click karne ke baad Post Editor open hoga jaha aap apni Post likh kar publish kar sakte hain.




wordpress add new post

Post Editor me Formatting ke sabhi options available hain like heading, bullet styles, bold-italic, link add karna, text color change etc etc.

Ek baar Post likhne ke baad Right Side me aap Publish Button dekh sakte hain, bus click kare aur aapki Post Publish ho jayegi.

2. Page Add kaise Kare

Pages me aapko Contact page, Privacy page, Disclaimer, notices, advertisement jaise kuch important page site me add karne padte hain.

WordPress me Pages add karne ke liye aapko Options panel par Pages » Add New par click karna hai.

wordpress add new page




Add New par click karne ke baad aap Post Editor me apna page content add kare aur publish kare.

3. Theme Install kis tarah kare

WordPress par aap apni purchase (buy)/download ki gayi new theme upload kar use kar sakte hain aur sath me aap chahe default available theme bhi use kar sakte hain.

WordPress par theme upload karne ke liye Appearance » Themes par click kare.

Themes me aap chahe to default available theme use kar sakte hain, agar aapne theme kisi aur jagah se download ki hai to wo bhi aap yaha add kar sakte hain.

Theme upload karne ke liye Add New par click kare. (Add New me aap available free themes bhi site ke liye use kar sakte hain.)

wordpress upload theme




Add New me Upload Theme ka option show kar raha hai uske upar click kare au apni ZIP theme file upload kare. upload karne ke baad theme ko activate kare.

4. Theme Design kaise kare

Theme ko upload and activate karne ke baad aap apni Theme ko Appearance option par design kar sakte hain.

Apperance me aap theme se related alag-alag options dekh sakte hain.

WordPress theme design ke bare me maine Details me iske bare me article likha hai aap wo read kar sakte hain.

Read: WordPress Theme Design basic guide

Bata du ki sabhi wordpress themes alag-alag options and settings ke sath aati hai aur wo sari settings and changes aap Appearance par dekh sakte hain.

wordpress appearance option

Apperance me kuch default options hote hain jo theme design karne ke liye main option hain:

  • Customize: par aap theme ko live preview dekh kar edit and widgets add kar sakte hain. Yah option default hota hai.. Aap koi bhi theme use kare, customize option se aap kisi bhi theme ko design kar sakte hain.
  • Widgets: yah option bhi default hota hai jisme aap mouse se drag and drop karke alag-alag widgets Sidebar, footer me add kar sakte hain.
  • Menus: Menus option ka use karke aap apni site me Menu bar add kar sakte hain. Aap Top, header and sidebar me menu bar add kar sakte hain.

5. Plugin Install and Remove kaha se kare

WordPress – plugin ke bina kuch bhi nahi. Plugins wordpress me alag-alag widgets and features add karne ke liye use ki jaati hain. Blogger me aap jise Gadgets kahte hain, wordpress par wo hi kaam Plugins karti hain.

WordPress plugin free available hain jo aap apni site me install and activate kar sakte hain. WordPress repository me kareeb 80,000+ free plugins available hain.

Jaise ki mujhe traffic report dekhna hai to main add karunga Jetpack plugin. Jetpack install and activate karne ke baad main apne Dashboard par site ki report dekh sakta hu.

Same aise hi mujhe apni site me Sharing buttons show karna hai to main social sharing plugins install and activate karunga.

Plugins ek tarah se aapka kaam bahut aasaan kar deti hain site ko manage and design karne me.

WordPress par plugin install and activate karne ke liye sabse pahle options panel par Plugins » Add New par click kare.

Add New par click karne ke baad aap free plugins ko search kar install Now par click karke install kar sakte hain, install karne ke baad Activate par click kare.

wordpress install plugin

Plugin ko activate karne ke baad wo aapki site me work karna start deti hai.

Read: WordPress par plugin install karne ki 3 methods

Plugin Remove Kare

Agar aapko koi plugin remove karna hai to click kare plugins » Installed plugins.

wordpress remove plugin

Yaha aap sabhi install ki gayi plugins ki list dekh sakte hain, bus plugin ko pahle “Deactivate” kare. Deactivate karne ke baad “Delete” par click kare.

6. Photo, Video and Files upload kaise kare

Apni Post me images, video and other files add karna wordpress par bahut easy hai.

Aap images ko upload karne ke baad editing bhi kar sakte hain.

Post me images add karne ke liye Post editor me ” Add Media” button par click kare.

wordpress add media

Add Media par aap koi bhi file upload kar sakte hain.

wordpress upload media

Media upload karne ke baad aap Media library par click kar upload ki gayi image, video or other file post me add kar sakte hain.

7. Post Me Categories and Tags add kare

Post me Categories and Tags add karne ke liye Post editor me aap categories and Tags ka box dekh sakte hain.

New Category add karne ke liye +Add New Category par click kare.

wordpress add category

Ab  aap apni category ka name add kare aur Add new category par click kare.

Aap add ki gayi Categories aap All categories me dekh sakte hain.

Kuch is tarah se aap Tags add kar sakte hain.

wordpress add tags

Tags box me apni post se related Tags type kare aur Add par click kare. Ek se jyada tags hain to separate comma use kare

8. Users add kaise kare

Agar aapko apni website ko manage OR guest post karne ke liye contributors, admins add karna hai to wo option bhi wordpress par available hai.

Members add karne ke liye Dashboard par options panel par Users » Add New par click kare.

wordpress add user

Ab new username and email address type kare, password set kare aur Rolls me contributor, Subscriber, Administrator, editor option choose kar user add kare.

Aapka add kiya gaya user ab username and set kiye gaye password se dashboard par login kar sakta hai aur site ko access/manage kar sakta hai.

9. Menu bar kaise add kare

Kisi bhi website ke liye Menu bar show karna bahut important hota hai. Menu bar aapki main categories ki list hoti hai jo aap website me Sidebar, header or footer me show kar sakte hain. Readers aapke menu list se site ke content ko better search kar sakte hain.

WordPress me aap Menu bahut easily create kar sakte hain aur kisi bhi jagah like site ke sabse top par, header ke below ya fir Sidebar me add kar sakte hain.

WordPress me Menu add karne ki feature default hoti hai. Menu add karne ke liye Appearance » Menus par click kare.

WordPress par menu kaise create kare iske bare me maine kuch special posts ki hain wo read kare.

10. Comments kaise check kare aur Approve kare

Readers ki comments kisi bhi site ke liye bahut important hoti hai. Comments ke jariye readers aapse apni query pooch sakta hai aur aap unki help kar sakte hain.

WordPress par aap readers ki comments ko easily manage kar sakte hain.

wordpress comments

Dashboard par Comments option hai jis par click kar aap apni sabhi comments ko read, reply, approve, delete kar sakte hain.

11. Contact Form Kaise add kare

Contact form website ka sabse important page hota hai jo aap lagbhag sabhi sites me dekh sakte hain. Readers, advertisers and folks aapko contact kar sake iske liye aapko site me contact page add karna jaroori hai.

WordPress site me contact form add karna bahut easy hai, yah kaam aap plugin ke through easily kar sakte hain.

Contact Form add karne ke liye repository me kayi popular free plugins available hai  jo install and activate kar aap kuch clicks me contact page site me add kar sakte hain.

Kuch popular contact form plugin se contact form kaise add kare wo articles me publish kar chuka hu.

12. Sitemap kaise banaye

Sitemap – website ke URL ki XMl file hoti hai jo search engine robots read karke URLs ko index karte hain aur uske baad wo pages search results me show karte hain.

Sitemap sabhi websites ke liye jaroori hai, warna aapki site proper search results me show nahi karegi.

WordPress par XML sitemap aap bahut easily plugin ki help se create kar sakte hain.

Yoast SEO and Google XML sitemaps aisi popular plugins hain jo install and activate kar aap site me XML sitemap add kar sakte hain.

Read: WordPress me XML Sitemap kaise create kare

13. Permalink Kaise Set kare

Wordpess install karne ke baad aur first Post likhne se pahle aapko apni permalink change karna jaruri hai. WordPress ki default permalink SEO friendly nahi hoti iske liye aapko SEO friendly Permalink set karna jaruri hai.

change permalink wordpress

 

SEO friendly Permalink set karne ke liye Dashboard option panel par Settings » Permalinks par click kare aur yaha “Sample Post” permalink select kar setting save kare.

14. Traffic report kaise Dekhe

WordPress Dashboard par traffic report dekhne ke liye aap Jetpack plugin and other statistics plugins use karte hain.

Read: Traffic Report dekhne ke liye Best plugins

Jo log traffic dekhne ke liye Google analytics ka use karte hain wo Google analytics ki report bhi apne wordpress dashboard par dekh sakte hain. WordPress par Google analytics report dekhne ke liye kayi popular plugins available hain.

Jetpack aisi plugin hai jo ki most of wordpress users traffic report dekhne ke liye use karte hain, main bhi Jetpack ka hi use karta hu.

Sabse pahle Jetpack free plugin install and activate kar le.

jetpack stats

Plugin ko activate karne ke baad aap apne Dashboard option panel par Jetpack option dekh sakte hain, jaha aap traffic report dekh sakte hain.

15. Post Schedule kaise kare

Post Scheduling bahut kamaal ki feature hai unke liye jo 24/7 blog post nahi kar sakte ya site access nahi kar pate.

Maan lo aap kahi kuch din travel par gaye ho to aisi condition me aap Blog par posting kaise karenge? Bus Yaha aap Post schedule ka use kar sakte hain.

Post Schedule karne ke baad aapke set kiye gaye time and date par Post automatic publish ho jati hai.

WordPress par post schedule karna bahut easy hai.

schedule post wordpress

Post editor me Right side Publish box me Publish par edit kar aap apni date and time set kar post schedule par rakh sakte hain.

16. SEO plugin set kaise kare

WordPress site ko SEO optimized karne ke liye aapko SEO plugin install karna bahut jaroori hai.

WordPress par Sabse popular SEO plugin hai – Yoast SEO

Aap jab wordpress site create karte hain uske baad aapko yah plugin install and activate kar lena chahiye. Most of wordpress site par Yoast use ki jaati hai.

Yoast SEO plugin aapki site ko SEO optimized banati hai jis se site ki search engine visibility improve hoti hai.

Yoast plugin ko install and activate karne ke baad uska setup karna bahut jaroori hai, iske bare me maine article publish kiya hai aap wo read kar sakte hain.

17. Post URL Edit kis tarah kare

WordPress par aap jaise hi post ka title likhte hain, automatic post ka URL title ki tarah create ho jata hai, jisko hum post URL kahte hain.

Automatic title se generated URL SEO friendly nahi hota aur kafi long hota hai.

WordPress par aap apna Post URL edit bahut easily edit kar sakte hain aur yah jaroori bhi hai.

Post editor me Title ke neeche aap apni current post ka URL dekh sakte hain.

wordpress permalink edit

URL par edit par click kare aur usko under 66 charactor ka banaye taki search results me proper show kare.

Note: Post ko Publish karne ke baad kabhi bhi URL edit na kare, warna aap 404 error receive kar sakte hain. URL edit Post publish karne se pahle hi kare

18. Main Thumbnail image kaise Set kare

Thumbnail image aapke Post ki main image hoti hai jo sabhi post me aap add karte hain yah show karne ke liye ki Post kis subject se related hai.

WordPress par aapko Thumbnail image seperate add karna padta hai jise hum Featured image kahte hain.

wordpress add featured image

Featured image add karne ke liye aap Post editor ke right side “featured image” ka option dekh sakte hain, bus Set featured image par click kare aur media gallery se image select kar add kare.

Final Words

Dosto wordpress par seekhne ke liye bahut kuch hai, aap jitna learn karenge utna kam hai. Isliye hamesha wordpress par kuch na kuch learn karte rahiye, yah aapke liye aur aapki site ke better hai.

WordPress ek software hai jo regular interval par update hota hai, update ke sath-sath usme kayi new features add hoti rahti hain, isliye aapko hamesha wordpress ki choti-choti cheejo ko learn karna jaruri hai.

Above maine jo kuch aapko bataya hai wo beginners ke liye hai jo abhi abhi wordpress par site launch kiye hain. I hope aapko kafi kuch seekhne ko mila hoga.

Comments (3)

Leave a Reply

Your email address will not be published. Required fields are marked *