HomeWordpress

How To Speed Up Your WordPress Site

Like Tweet Pin it Share Share Email

WordPress – website banane ke liye sabse best CMS (content management system) platform hai isme koi shak nahi tabhi millions website is platform par available hain aur create ho rahi hain.

WordPress par website banane ke baad sabse important part agar koi hota hai to wo hai apni site ko optimized karna taki apne visitors ko best site ka experience de sake. Best ki baat aati hai to usme best content, best loading speed, best design and best support ki baat hum karte hain.




speed up wordpress site

Website ke liye Speed kyu jaruri hai

Kisi bhi site ke liye Speed bahut important hoti hai agar aapki website ki speed behtar nahi hai to ho sakta hai aap apne valuable visitors miss kar de, apne subscribers & customers miss kar de aur sath hi earning me bhi loss hone lage.

Zara sochiye koi aapki site par visit kare aur loading bahut slow ho to kya hoga, wo visitors browser ki close tab par click karega aur aur chala jayega. Aapko bhi slow site pasand nahi hogi.

Sabse badi baat to yah hai ki Google and Bing jaise search engines ab apne algorithm me speed ko jyada importance dete hain aur usi ke according rank dete hain. Aapki site ki serp (search engine results page) me speed bahut bada role play karti hai.

Kahne ka matlab hai wordpress par Blog banane se pahle aur baad me kai baato ka dhyaan rakhna chahiye jo hum yaha discuss karne wale hain, so let’s see how speed up wordpress site?




1# Choose Right Hosting

WordPress par website banane ke liye Sabse crucial part agar koi hota hai to wo hai Right hosting choose karna. Ek new user shared hosting lena jyada pasand karta hai kyunki shared hosting bahut kam price me available hoti hai.

Shared hosting provide karne wali sabse best agar koi hai to wo hain Bluehost, Siteground, Hostgator, inmotion hosting, Dreamhost, ipage. Read

Bluehost in sab me sabe best shared hosting provide karti hai, wordpress bhi bluehost ko hi recommend karti hai. Aap just $3.49/month me hosting purchase kar sakte hain.

Ek baat aur kabhi bhi indian hosting companies se hosting lena avoid kare, agar aap long-term business karna chahte hain to always popular hosting hi select kare.

2# Choose Right Theme

Right theme ka matlab hai well coded, clean and fast optimized wordpress theme. Hamesha wordpress premium theme use kare and trusted places se hi theme purchase kare. Yaha maine aapko wordpress theme ke popular places ke bare me bataya hai.

Kabhi bhi free theme use na kare kyunki wo well coded nahi hoti, usme developer apni backlinks and unwanted credit scripts add kar dete hain jo SEO par effect karta hai aur well coded na hone ne se site ki speed par bhi effect padta hai.

Isliye main apne new users ko suggest karunga ki long-term better performance ke liye premium theme hi use kare. Premium themes regular update hoti hain aur well coded bhi hoti hain.




3# Install Caching plugin

Caching plugin aapki wordpress site ko optimize karne ka kaam karti hai aur performance improve karti hai. Aapke pages ki caching copy create karke server par load kam karti hai.

caching plugins me sabse popular W3 total cache, WP super cache and WP rocket plugins hain. Speedy performance ke liye caching plugin jarur use kare.

4# Use CDN

CDN (content delivery network)-  ka main work hota hai aapke visitors ko request kiya gaya page uske sabse near server se provide karna.

Jab koi user aapki site ka page open karta hai to uski request aapke hosting server par aati hai, same usi time agar bahut se user same page ko open kare to aapke hosting server par load padta hai aur site slow ho jati hai.

CDN aapke server par load kam kar deta hai, wo ek proxy ki tarah work karta hai aur sara load apne server par load kar leta hai.

CDN me MaxCDN sabse popular hai but yah premum hai. Aap iski jagah Cloudflare CDN use kar sakte hain jo free hai aur aap hosting Cpanel par single click me activate kar sakte hain.




5# Optimize Database file

Aap jab kisi post ko likhte hain tab automatic revision create hote hain, Revision ek tarah ka backup hota hai aur aap apni post ko kabhi bhi restore kar sakte hain. But post publish karne ke baad revisions ka koi kaam nahi.

Aapko aise revisions delete karna chaiye jis se aapke database file ki size low rahe. Iske sath-sath drafts, spam comments, trash content ko bhi remove karna jaruri hai.

Yah sara work aap WP Sweep plugin se kar sakte hain. Yah plugin aapki database file ko clean rakhti hai. Isliye regular apni database file ko optimize rakhe.

6# Optimize image

Images jo aap post ke andar use karte hain uska sabse bada effect aapki site par padta hai. Agar aapki images optimized nahi hain to.

Hamesha images upload karne se pahle compress kar le jis se images ki size kam ho sake. Aap free online compressor tools ka use kar sakte hain. Yah tools aapki image size ko 80% kam kar sakte hain.

WordPress me images ko compress karne ke liye free images compress plugins bhi available hain jo automatic aapki sabhi images ko compress kar deti hai. Aap in plugins ko install kar sakte hain.




Sabs popular image compress plugins me WP Smush, Optimus , TinyPNG and EWWW image optimizer hain.

7# Use less widget in Homepage

Kya aap unwanted widget apne Home page par use karte hain? Lekin kyu, kya aapke visitors widget dekhne aate hain aapki site par?

Nahi aapke visitors aapki site par aapke Articles ke liye aaye hain, isliye unnecessary widget ko remove kare aur apne Home page ko clean and fresh rakhe.

Maine kayi logo ko dekha hai ki wo apne home page par social share counter, new features widget add kar dete hai jinki koi jarurat nahi hoti aur aise widget aapki site ke home page ko slow load karte hain. So don’t do that.

8# Use Less Plugins

Aap yakeen kare ya na kare, par aapne apni wordpress website me bahut sari plugins install kar rakhi hai to aapki site ki speed slow hogi aur 100% hogi.

Jo kaam aap CSS and HTMl script se easily kar sakte hain uske liye plugin kyu use karte hain? Maine kayi new wp users ko dekha hai wo bahut si plugins install kar lete hai aur baad me problems ko face karte hain.

Hamesha ek baat ka dhyaan rahe jis plugin ki aapko bahut-bahut jarurat ho uska hi use kare. unwanted plugins use karke apni site par load na increase kare.

9# Use Lazy Load

Lazy Load me aap ki post ki images tabhi show karti hai jab koi user mouse se scroll down karta hai. Jaise jaise user aapki post ko scroll karega images load hongi.

Lazy load se aapki images ek-sath load nahi hoti. Iski vajah se aapke page ki loading speed increase hoti hai.

Aap lazy load ke liye aap Lazy Load, BJ lazy load jaisi Plugins use kar sakte hain. Agar aap WP rocket cache plugin use karte hain to yah feature usme inbuilt aati hai.

10# Disable Ping-backs and trackbacks

Pingback – Aapne apne blog me post ki and aapki post ko other blog ne mention kiya, tab wordpress automatic aapko pingback send karega ki yaha aapki post ko mention kiya gaya hai. Yah mention aapki post ke comment section me show karegi.

Trackback- Koi other blog ka user apaki post me comment section me apni post ko mention karta hai to ise trackback kahte hain.

Pingback and trackbacks kabhi kabhi smammers ke liye target ban jate hain, isliye aap is feature ko disable kare.

disable pingback trackback

Disable karne ke liye apne WordPress Dashboard par setting » Discussion par click kare. Yaha Default article setting me ‘allow link notifications from other blog (pingback and trackback)’ option ko uncheck kar de.

11# Show 5-6 Post on Home Page

Home page par maximum 7 post hi show kare, jyada post show karne se page loading slow hogi. Second, post me (excerpt) read more add kare full post show na kare.

12# Disable Hotlinking

Hotlinking mean jab koi other site aapki images ki link ko copy karke apni website par show karti hai to ise hum hotlinking kahte hain.

Hotlinking se aapke server par load badhta hai and bandwidth ka use hota hai. Hotlinking ko disable karne se aap server par load kam kar sakte hain and bandwidth save kar sakte hain.

Aap hotlink ko 3 methods se disable kar sakte hain. Read: 3 methods hotlinking disable kerne ke liye

13: Use Autoptimize Plugin 

100,000+ downloads and regular update hone wali Autoptimize plugin aapki site ki HTML, CSS and JS jaisi sabhi scripts ko minify karke website ko optimize karti hai. Jis se aapki site ki loading speed increase hoti hai.

Conclusion

WordPress site ki speed badhane ke liye aur bhi kai techniques hain par wo aap kisi developer ki help se hi kar sakte hain. But agar above tips ko aap follow karenge to mujhe nahi lagta ki aapko kisi aur cheej ki jarurat padegi.

Hamesha dhyaan me rakhe ki start me aap shared hosting use kar sakte hain, jaise hi aapka traffic badh jaye aapko managed hosting par move karna chahiye.

Comments (0)

Leave a Reply

Your email address will not be published. Required fields are marked *