HomeSEO

4 Social Platform Jaha aapko apni Post Share Karni Chahiye

Like Tweet Pin it Share Share Email

best social media site

Apni Post par publish button press karne ke baad sabse pahla kaam aapka kya hona chaiye?




Ji ha bilkul sahi socha apni post ko alag-alag social media platform par share karna.

Lekin kya aapko pata hai sabse jaroori kin social media sites par aapko post share karni chahiye, aisi kaun so social site hain jo aapki site ka traffic double kar sakti hain?

Agar aapko nahi pata to main aapko 4 aisi social site suggest kar raha hu jaha aapko apni post ko promote karna bahut-bahut jaroori hai.

Social Media Site par Post share kyu Kare?

World me log sabse jyada time internet par agar kahi spend karte hain to wo hai social media. Har 5-minute me log apne smartphone/PC par social site open karte hain aur surfing karte hain.

Billions users ki community social site par available hai.




Ab zara sochiye agar aap billions logo ke beech me apni post ko share karenge to aapko kitne views mil sakte hain.

Main yah nahi kah raha sabhi aapki post ko view karenge par unme se agar 1% logo ne bhi aapki post ko dekha to yah bahut badi baat hai.

India ki baat kare to yaha sabse jyada time log social site par spend karte hain, aur aap India ki population to jaante hi hain. Aise me aap apne indian users se hi kafi traffic apni site par receive kar sakte hain.

Kayi websites to aisi hain jinka 100% traffic social sites se aata hai.

kewal aap yah na soche ki google and bing jaise search engine hi aapki site par organic traffic lane me help karte hain.

Search engines Google and Bing bhi social sites par sabse jyada share i gayi post ko apne search results me rank karte hain.

To ab main aapko bata raha hu 4 social ste jaha aapko apni post ko share karna bahut jaruri hai.




1) Facebook

World ki sabse badi community kaun si hai, ji ha facebook.

Yaha aapne apni site ko promote nahi kiya matlab aapne site par traffic lane ki best opportunity ko miss kar diya hai.

kareen 1.65 billions active users is wakt facebook par hain, matlab ki world ke 60% se jyada users facebook par active hain.

Itni badi community ke sath apni site ko connect karna mean bahut sara traffic apni site par aap la sakte hain, world ki baat rahne de india me lagbhag har third person facebook use karta hai.

Facebook Par Blog Post kaise Promote/Share kare?

Bahut hi simple sa answer hai, aapko just apni site ka facebook page create karna hai aur start kar dena hai Post share karna.

Read: facebook par Website ke liye Page Kaise banaye?




Facebook page ko create karne ke baad aapko page ko professional look dena hai.

Iske liye page ka Logo and cover photo aap best and professional rakhe aur sath hi aapki website ko represent kare aisa rakhe.

Aap fiverr par apne facebook page ke liye logo and cover sirf $5 me order kar sakte hain.

Facebook par Post ko share karte samay aapko kuch points par dhyaan dena hai:

facebook post

  • Post me image add jaroor kare, facebook par sabse jyada log images ko share karte hain aur like karte hain
  • Image jo aap share kar rahe hain uski size 940 x 788 pixel rakhe.
  • Post ki description achhi tarah se like.
  • Post ke sath # tag ka use kare, jaise ki #wordpresss
  • Apne friends ke sath post share kare, is se aapki sharing aur jyada improve hogi.

Facebook Page par aap bahut kuch kar sakte hain.




Read: facebook page ki 10 interesting features jo aapko nahi pata

facebook post/page ko viral karna chahte hain? Bahut sari likes and views receive karna chahte hain?

To use kare Facebook ad feature jisme aap $1 me kayi likes and views receive kar sakte hain, yah feature premium hai.

Read: Facebook par Post ko Promote Kaise kare?

2) Twitter

Facebook ke baad second twitter ka naam aata hai sabse popular social site me.

Twitter par badi-badi celebrities ke accounts to aapne dekhe hi honge. To fir aap kyu peeche rahe apni site ko promote karne me.

Twitter par aap apni website ke liye official account bana sakte hain.

Twitter par Post karne se pahle aapko kuch baato ka dhyaan rakhna chahiye:

twitter post

  • # tag ka use kare, twitter par # tag bahut popular hai, aapke post ko viral karna hai to iska use jaroor kare.
  • Images upload kare, aap 1024 x 512 pixel ki image share kar sakte hain.
  • URL ko short rakhe, twitter par tweet karne ke liye words ki limitation hai. URL shortener ka use kar apne Post URL ko short kare. Aap google URL shortner goo.gl ka use kar sakte hain.

3) Google+

Facebook se competition karne ke liye Google ne Google+ social platform launch kiya tha.

Lekin Google+ facebook ki tarah jyada popular nahi ho paya, magar aaj Google+ top social site me se ek hai.

Jo features aapko facebook par provide ki jati hain wo sabhi features Google+ par available hain.

Google+ par aap apni site ke liye Brand page banakar apni website ki post ko promote/share kar sakte hain.

Read: Google+ par Brand page kaise banaye?

Google+ par page create karne ke baad uska logo and cover professional rakhe.

G+ page par Post karne ke liye aapko kayi options diye jate hain. Link share, photo share, video share, poll create.

Google+ page par Post karne ki Tips:

google+ page Post

  • Post karte samay # tag ka use kare, apne post se related keywords hashtag me add kare, jaise ki main is post ke sath #facebook de sakta hu.
  • Post ko publically share kare, post editor me aapko Public button provide kiya jata hai wo select kar share kare
  • Link, photos and videos aap add kar sakte hain. Videos me aap apne youtube video directly post kar sakte hain
  • Post me Photos add jaroor kare, agar aapki post me featured image add hai to link add karte hi post image automatic add ho jati hai.

4) Pinterest

Pinterest Image sharing social site hai. Yaha high quality professional images share ki jati hain.

Aap yakeen nahi karenge kayi websites 80% se jyada traffic pinterest se receive karti hai.

Pinterest par aap kya kar sakte hain?

Pinterest par aap apne Site ki professional images share kar sakte hain.

Aapki Post ki jo main feature image hai wo aap pinterest par link ke sath share kar sakte hain. Aap apni site se related achi quality ki images create kar pinterest par post kar sakte hain.

Pinterest par images share Kaise kare?

  • Pinterest par register kare aur apna Board banaye. Board ka matlab hota hai alag-alag topic ke folders.
  • apne board me aap direct image share kar sakte hain
  • Aapke browser me pinterest extension install kare

Extension install karte hi aapke browser ki sabhi images par aap Pin-it ka option dekh sakte hain.

pinterest button

Pin-it button par click karte hi pop-up window me aap directly apni images ko apne account ke board me share kar sakte hain.

pinterest share pin

Image ke sath aapki Post ki link bhi share ho jati hai. Users aapki image par click kar direct aap ki post par visit kar sakte hain.

Summary

To is tarah se aap ye 4 social sites par apni site ke liye account banakar apni site ki post ko promote kar sakte hain.

Aisa na soche ki bahut jaldi aapki site ka traffic increase ho jayega, isme waqt lagta hai.

Bus good quality post share karte rahe aur ek din aap apni site ke traffic me kafi improvements dekh sakte hain.

Main personally in 4 social sites par manually post karta hu aur regular apne social account ko update rakhta hu.

Comments (0)

Leave a Reply

Your email address will not be published. Required fields are marked *