HomeInternet

SBI ATM/Debit Card Ka PIN Online Change Kaise Kare

Like Tweet Pin it Share Share Email

State bank Of India me agar aapka account hai to sara banking ka kaam aap online kar sakte hain. Chote-chote kaam ke liye pahle aapko bank me visit karna padta tha, khaas kar bank agar kafi door ho to aapka kafi samay bhi barbaad hota hai.

Lekin ab aisa nahi hai, pichle kuch saalo me SBI ne lagbhag banking ke sare kaam Online kar diye hain, iska matlab aapko ab bank jaane ki jarurat nahi.




Online SBI Net banking ke jariye aap apne SBI banking ka sara kaam online kar sakte hain, chahe wo New ATM card apply karna ho, Money send karna ho, Mobile number change karna ho, LPG gas subsidy ke liye aadhar card link karna ho aur na jane kitne work hain jo aap online kar sakte hain.

Aaj main aapko SBI ATM/Debit card ka PIN online Net banking se kaise change karte hain uske bare me batane ja raha hu.

SBI ATM/Debit Card ka PIN Online Change kare

Apne SBI ATM or Debit card ka PIN number aapko regular change karna chahiye bilkul waise hi jaise aap password change karte hain. PIN change karne ke liye aap ATM machine and online Net banking ka use kar sakte hain.

Agar aapke paas SBI Net Banking hain to aap apne Mobile or PC par onlinesbi.com par apne account me login karke apna PIN bahut easily change/update kar sakte hain. Net banking agar nahi hai to tension wali baat nahi, netbanking ko bhi aap online apne Debit/ATM card se active kar sakte hain.

Ok, to chaliye apna SBI ATM/Debit card PIN change karte hain, fast.




1

Sabse pahle https://onlinesbi.com par visit kare aur apne Net banking account me login kare.

onlinesbi eservice

2

Net banking account me login karne ke baad e-Services tab par click kare.

3

e-services tab par left side options me se ATM Card Services par click kare.

4

ATM Card Services me ATM PIN Generation link par click kare.

5

Ab next screen me aapko account validate karne ke liye “OTP” OR “Profile password” me se kisi ek ko choose karna hai. OTP choose kiya hai to aapke mobile number par OTP receive hoga wo aapko enter karna hai ya fir profile password choose kare.

onlinesbi ATm pin change




6

Ab next screen me aapko apna account number select karna hai.

onlinesbi Atm pin change

7

Account number select karne ke baad next apna ATM/Debit card select kare.

onlinesbi ATM card Pin change

8

Ab next screen me “Enter first digit of your desired PIN” me aapka apni choice se PIN ka first two digit enter karna hai and click submit.

onlinesbi card pin change




9

Agle step me aapko apne PIN ka first two digit enter karna hai jo abhi aapne enter kiya hai aur last two digit jo ki aapke Mobile Number par sent hua hai wo enter karna hai. Matlab apna 4 digit PIN enter karna hai. Now click submit.

onlinesbi card pin change online

Done! Aapne successfully apna SBI/Debit card ka PIN number online change kar liya hai.

onlinesbi card pin change

To dosto is tarah se aap easily Netbanking se apna State bank of India ATM/Debit card ka PIN number change kar sakte hain, kahin bhi aur kisi bhi waqt.

Frequently Asked Questions

1: Mera Card New hai, kya main apna bina branch visit kiye first time PIN generate kar sakta hu?




Answer: Yes, agar aapne abhi-abhi apna Debit/ATM card online apply karke receive kiya hai to aap online first time apna PIN generate kar sakte hain uske liye aapko bank visit karne ki jarurat nahi hai. Kyunki aap first time PIN generate kar rahe hain to sabse pahle apna card activate kare wo bhi aap online kar sakte hain ya fir kisi bhi ATM me jakar transaction kar activate kar sakte hain.

2: Apne PIN ki kitni baar change kar sakte hain?

Answer: Aapki choice! ji ha aap chahe to daily apna PIN change kar sakte hain, koi limitation nahi.

3: PIN change karne ke baad turant work karti hai ya wait karna padta hai?

Answer: Ek baar aapne PIN change kar di to wo turant update ho jati hai aur aap kisi bhi samay ATM or online card ko use kar sakte hain.

Any question? aap comment kar sakte hain.

Comments (2)

Leave a Reply

Your email address will not be published. Required fields are marked *