HomeInternet

PayPal Supported Debit Card in India

Like Tweet Pin it Share Share Email

paypal support debit card

International Payments karne ke liye PayPal sabse best and secure way hai, aap aur hum jaise bloggers regular kuch-na-kuch purchase karte hi rahte hain online, like hosting, themes, plugins aur other services.




India me PayPal par sabse badi problem Debit card add karne ki hoti hai, kyunki most of banks ke card paypal ko support nahi karte aur sath hi online international payments bhi support nahi karte.

Yaha main aapko alag-alag banks ke aise Debit card ki list batane ja raha hu jo international payments aur sath hi Paypal ko bhi support karte hain.

Paypal Me Kyu Support nahi karte Card

Lag-bhag sabhi banks jo aapko card provide karti hain wo mastercard or visa powered hote hain aur clearly unka name International Debit card hota hai. Jaise ki SBI ke Debit cards.

But jab aap in cards ka use online karte hain to sirf national level par hi payments kar pate hain aur international payment nahi kar pate. Kyunki online transaction ke liye aapko 3D secure PIN enter karna padta hai jo aap international payment me nahi kar sakte.

Yaha international Debit card ka sirf yah matlab hota hai ki aap other country ke ATM par paisa withdraw kar sakte hain aur shopping ke liye bhi Swipe karke use kar sakte hain, but aap online international leval par use nahi kar sakte hain.




RBI ki restrictions ki wajah se most of banks specially government sector ki banks ke debit card paypal or international transaction support nahi karte.

maine personally SBI ke sabhi Card use kiye hain aur ek bhi card paypal me work nahi karta aur na hi global transaction me work karte hain, ho sakta hai future me karne lage but filhaal nahi karte.

Kaun se Debit Card PayPal ko Support karte hain?

Kayi Private banks hai jo aapki problem ko solve kar sakti hain, kayi private banks ke Debit card paypal ko support karte hain, main aapko aisi hi banks ke Debit cards ke bare me bata raha hu jo aap paypal me add kar sakte hain.

1. Kotak Mahindra

Main personally Kotak mahindra ka Platinum Chip Debit card use karta hu. Kotak ke sabhi cards Paypal ko support karte hain.

Aap online netbanking se card ke liye apply kar sakte hain. Kotak ke Account ke liye aap online apply kar sakte hain aur apna card and banking kit apne address par receive kar sakte hain.

Aap Kotak me Jifi account or savings account ke liye online apply kar sakte hain.

Kotak  JIFi account open karke aap platinum Jifi Chip card receive kar sakte hain jo paypal ko support karta hai.




Card receive karne ke baad aap kisi bhi ATM me jakar Activate kar sakte hain aur paypal me add kar sakte hain. More Details here

2. ICICI bank

ICICI Bank ke kayi Debit card paypal ko support karte hain. Aap premium debit card ke liye apply kar sakte hain online.

Card receive karne ke baad aapko International use karne ke liye customer care me call kar activate karna hoga. Aap apne registered mobile se SMS ke thrugh bhi international usage ke liye activation kar sakte hain, iske liye just SMS me type kare: INTL and send to 5676766

ICICI bank ka rupay card paypal ko support nahi karta other sabhi support karte hain. Fore more details Click here

3. IndusInd Bank

IndusInd bank aapko kayi premium Debit cards offer karti hai aur sabhi paypal ko support karte hain. More details here.

Aap IndusInd bank me saving account online open kar sakte hain aur card ke liye bhi online appication kar sakte hain, aapko bank me visit karne ki jarurat nahi hai. Aap account number ke liye apna mobile number or birth date choose kar sakte hain.




indusind card

4. Indian Bank

Indian bank ka sirf EMV world mastercard card paypal ko support karta hai. Other support nahi karte hain.

indian bank card

Indian bank me aap kafi low balance me just Rs.500 deposit karke account open kara sakte hain. Account open karne ke baad aapko basic card provide kiya jayega jo aap Block karke EMV world mastercard ke liye apply kar sakte hain.

5. Axis Bank

Axis bank ke 2 Debit cards paypal ko support karte hain jo meri jaankari me hai wo hain:

axis bank card




  1. Priority Platinum Debit card
  2. Priority platinum Chip and signature debit card

Other cards bhi support karte honge, aap customer care me call kar pooch sakte hain. Click here for details Axis bank me aap online account ke liye apply kar sakte hain.

6. HDFC bank

HDFC ka Chip based Platinum Debit card paypal me work karta hai. International usage ke liye aapko apni net banking se international usage enable karna padega. Agar aap HDFC customer hain to apne net banking account se online apply kar sakte hain.

Other cards ke bare me mujhe pata nahi, but ha ye card sure aapke liye work karega.

7. Standard Chartered bank

Standard Chartered bank India aapko kayi debit cards offer karti hai. Isme Platinum Debit card powered by Visa paypal ko support karta hai. Click here

standard chartered card

Aap online saving account open kara sakte hain aur uske baad card ke liye apply kar sakte hain. Aapke liye Zero balance saving account available hain jisme aapko monthly kuch bhi maintain nahi rakhna padta.

Conclusion

To ye wo card hain jo paypal ko support karte hain, agar aapka card support nahi karta aur bank koi bhi paypal supported card provide nahi karti to above banks me apna account open kara sakte hain.

Main personally aapko Kotak mahindra suggest karunga, kyunki main khud iska card use karta hu aur it works perfect on paypal and credit card pay option.

Comments (5)

  • Hello,
    Aise konsi bank hai jo zero balance mein account bana sakte hain for Paypal support ke liye?

    Reply
    • Author

      Kotak Mahindra bank, jaha aap Jifi account open kar sakte hain. Open karte samay aapko Rs.10000 deposit karna padta hai jo aap account open karne ke baad withdraw kar sakte hain.
      isme aapko Interest nahi milta, aap online jifi account open kar sakte hain. Ghar par hi sab kuch aap kar sakte hain.
      Paypal and international transaction ke liye kotak card best hai, im using it.
      Interest nahi milta koi badi problem nahi. Maine yah account sirf international purchase karne ke liye open kiya hai.

      Reply
      • Author

        Aap Indian bank me bhi account open kar sakte hain Rs.600 something deposit karke.
        Iska Global debit card work karta hai paypal me.
        Kahi bhi aap account open karayenge waha deposit to karna hi padta hai.

        Reply
  • Indian Bank ka Emv master card surely work karega?

    Reply

Leave a Reply

Your email address will not be published. Required fields are marked *