HomeInternet

10 Online Banking Safety Tips in Hindi

Like Tweet Pin it Share Share Email

banking security tips

Online banking ne banking ko bahut aasan bana diya hai. Aap apne smartphone and computer par apne account ko access kar sakte hain, Money transfer -receive kar sakte hain, statement dekh sakte hain, online shopping kar sakte hain – aise kayi kaam kar sakte hain.




Online banking ke bahut se benefit hain par agar security me aap careless huye to ho sakta hai aapki hard work se earn ki gayi money kisi aur hath me chali jaye.

Har saal hazaro log online banking me security tips follow na karne ki wajah se fraud, cheating ka target bante hain. Aapke account se paisa nikal liya jata hai aur aapko pata bhi nahi chalta.

Aisa aapke sath na ho isliye kuch security tips hain, jinhe follow karke aap safe online banking ka maza le sakte hain.

Online Banking Safety Tips

Hamare kuch online banking users kafi careless hote hain, aur jab unke sath kuch galat hota hai to bank ko iska jimmedaar maan lete hain. But isme bank ki koi galti nahi hoti, sari mistakes aap karte hain security par dhyaan nahi dekar.

Below Safe Banking tips follow kare aur apni internet banking ko safe rakhe.




1. Strong Password banaye

strong password

Sabse badi mistake hum yaha karte hain. Apne online banking account ke liye hamesha strong password rakhe.

Strong ka matlab hai password ko long rakhe, password me @$*&! jaise special character ka use kare aur sath hi capital letter, small letter and 123.. ka mix kare.

Strong password: [email protected]

Weak password: Imrohit

2. Virtual keyboard use kare

virtual keyboard

Aap jab apne netbanking account me login karte hain to login page par har bank aapko virtual keyboard provide karti hai.




Virtual keyboard aapki password and ID ko safe rakhta hai, aapko virtual keyboard use karna chahiye. Virtual keyboard ki keys ka placement change hota rahta hai isliye koi bhi software isko recognize nahi kar pata.

hackers aise software ka use karte hain jo aapke normal keyboard ki keys ko press karne par wo keys ko record kar leta hai. Isliye bank aapko virtual keyboard provide karti hai.

3. Cyber cafe me Internet banking use na kare

Cyber cafe me kabhi bhi apna online banking account open kare. Cyber cafe me jo computers hote hain usko sabhi use karte hain. Bahut si websites visits ki jati hain, emails open kiye jate hain, software download kiye jate hain.

Ho sakta hai koi malware aise PC me active ho jo aapki inforamtion me hackers ko send kar de. Isliye hamesha apna personal computer hi use kare.

4.Password regular change kare

Apna netbanking password regular change kare. old password rakhne se aapko security ka risk rahta hai. Banks bhi aapse 3 month me password change karne ke liye kahti hai.

Banks apne online banking data ko regular update karti rahti hain aise me old password hai aur aapne change nahi kiya hai kafi samay se, to password ko koi bhi hack kar sakta hai.




5. Untrusted emails open na kare

email

Aapki email ID par daily aise kayi Spam email receive hote honge. Wo email aapko open nahi karna hai, khaas kar apne personal computer and smartphone par jaha aap netbanking use karte hain.

Aise Spam emails ko bina open kiye delete kar de. Agar aap aise mails ko open karke kisi links par click karenge to ho sakta hai aapke computers par koi malware script download ho jaye jo aapki sari information ko chura sakti hai.

6.Trusted site se Banking App Download kare

Mobile banking Apps aapko Android play store, iOS store, windows store, blackberry store se hi download karni chahiye.

Koi doosri site agar aapko mobile banking App download karne ki offer karti hai to waha se aapko download nahi karna hai.

7. Computer ko Virus/malware Free rakhe

Apne computer ko hamesha malware/virus free rakhe. Aap popular Antivirus software use kar sakte hain jo aapko secure internet access karne ki safety provide karte hain.




Computer agar virus se infected ho to hackers ko chance mil jata hai aapke PC ko control me lene ka aur malware script send karne ka.

8. Https support site par hi transaction kare

https flipkart

Online shopping, bill payments and other transaction karte samay yah dhyan rakhe ki jis site par aap transaction kar rahe hain wo “https” SSL certificate ko support karti ho.

https SSL me aapki information encrypted hoti hai jisko koi bhi samajh nahi pata. Lagbhag sabhi sites jo online payment receive karti hain wo “https” certificate apni site me use karti hain.

9. Netbanking Address browser me type kare

Netbanking ka use jab aap karte hain to hamesha apne browser me banking ka address type kare aur open kare. Aap bookmark bhi laga sakte hain,

Kisi aur website se apne netbanking address ko open na kare. Ho sakta hai wo koi duplicate site ho jaha aap galti se apne account ko information add kar de aur aap fraud ka shikar ho jaye.

10. Password Note Na kare, Yaad rakhe

password note

Kuch logon ki habit hoti hai passwords ko kisi note, diary me likhne ki taki yaad rakh sake. Sochiye aapke passwords agar kisi wrong hand me chale jaye to kya hoga.

Passwords aapko apne mind me save karke rakhna chahiye. Passwords ko aisa banaye jo strong bhi ho aur yaad bhi rakh sake.

Jaise ki ‘i’ ki jagah aap ‘!’ use kar sakte hain, ‘0’ (zero) ki jagah aap ‘o’ use kar sakte hain, A ki jagah aap @ use kar sakte hain.

Conclusion

To is tarah se aap apna online banking account safe rakh sakte hain. Aapko careless nahi hona hai, above tips aap follow karenge to banking aapke liye bahut safe and secure hai. Main personally apne sabhi kaam online karta hu aur safety ke sabhi guides ko follow karta hu.

Read Also:

Comments (0)

Leave a Reply

Your email address will not be published. Required fields are marked *