HomeWordpress

21 Common Mistake Jo New WordPress User Karte Hain

Like Tweet Pin it Share Share Email

Kya aap wordpress par new hain? Just abhi-abhi aapne wordpress site banayi hai?

Kya aapko pata hai aksar new wordpress users wordpress site banane ke baad kuch aisi mistake karte hain jo fir baad me unke liye bahut si problems create kar deti hai.




WordPress – website banane ke liye sabse best and easy CMS hai jaha koi bhi kuch basic cheejo ko learn karke site bana sakta hai.

Magar iska matlab yah nahi ki kewal site banakar, theme install kar aur post kar aap sab kuch seekh chuke hain, wordpress ek aisi cheej hai jaha aapko har din kuch naya seekhna jaruri hai.

Jo wordpress par aakar apni site banane ki soch rahe hain, ya jo abhi wordpress par bilkul new hain, unhe kuch aisi mistakes (Galti) nahi karni chahiye jo aaj main aapko bata raha hu.

Kya hain wo mistakes jo aksar wordpress users kar jate hain, ye aapke liye jaan lena jaruri hai.

common mistakes by users in wordpress




Ok to main aapko Detail Me samjhata hoon.

1. Bad Hosting Choose karna

Sabse badi mistake agar koi hai to wo hai bad hosting choose karna aur fir baad me regret karna.

Low price me available aisi hosting aapko 99.9% uptime ki guarantee deti hain par asal me aisa hota nahi hai. sath hi security, support bhi aisi hosting providers ki weak hoti hai.

Mere kahne ka matlab yahi hai hosting choose karne se pahle jaha se aap hosting rahe hain uska internet par review dekh le.

WordPress par new website ki shuruaat har koi shared hosting lekar karta hai. Shared hosting me Bluehost, Hostgator, inmotion hosting, siteground jaisi popular and reliable hosting provider hain.

Main personally Bluehost ka Business plan use karta hu jiske liye mujhe $23.95/mo. (20,000/per year) pay karna padta hai.

2. Free Theme use karna

Free wordpress theme site ki security, SEO aur speed performance ke liye perfect nahi hoti.




Yahi nahi jab aap free theme ko remove kar premium theme install karte hain to aapke SEO par iska bad effect padta hai.

Free themes me aapko update receive nahi hoti, theme me agar koi internal vulnerability aa jaye to aapki poori site hacking ka target ban sakti hai.

Free themes SEO optimized bhi nahi hoti aur speed optimized bhi nahi hoti, wahi doosri taraf premium theme regular updated, well coded, SEO and speed optimized hoti hain.

Agar aap budget ko lekar pareshan hain to bata du aap kewal $19 me wordpress ki premium  theme buy kar sakte hain, wo bhi popular theme developer se.

Mythemeshop aur theme-junkie aise theme developer hain jaha aapko regular offer di jati hain. Abhi main yaha post likh raha hu is wakt theme junkie par aap just $19 me premium wordpress theme buy kar sakte hain.

3. Essential Settings after wordpress install

Aapko pata hai wordpress site banane ke baad aapka sabse pahla aur sabse jaroori kaam kya hota hai?




WordPress install karne ke baad aapko sabse pahle kuch jaroori changes apne dashboard par karne padte hain, tabhi aapki site bankar ready hoti hai.

Read: 10 essential settings after wordpress install

4. Sitemap create na karna

Sitemap aapki website ke URL ki xml file hoti hai jisko read karke search engine aapki post ko index karte hain aur search results me show karte hain.

XML sitemap aapko apni website ke liye jaroor create kar lena chahiye.

Read: WordPress me Sitemap kaise Create kare

Aap XML sitemap ko apne home page par add kar sakte hain.




Maine apni site ke footer me sitemap page add kiya hai bus kuch is tarah se aap apne footer or header me kahi bhi xml sitemap add kar sakte hain.

5. SEO ignore karna

WordPress par SEO (search engine optimization) karne ke liye aapke paas kafi options hai.

Yoast SEO, All-in-one SEO plugins install karke aap apni post ko SEO optimized bana sakte hain.

Read: WordPress me SEO friendly post kaise likhe

Aapko SEO ko ignore nahi karna chahiye, warna search engine aapko ignore karenge.

6. Too much plugins install karna

Yah baat sahi hai ki plugins ke bina hum wordpress ke bare me soch bhi nahi sakte hain. Plugins ki wajah se hum wordpress site me alag-alag functions aur features site me use kar sakte hain.

Par jis plugin ki aapko jarurat nahi hai, jo kaam aap bina plugin ke kar sakte hain uske liye plugin install kyu karna?

Bahut sari plugins install karne se aapki site ki speed par effect padta hai.

Jab aapki site open ki jati hai to plugin ki script bhi load hoti hai aur jitni jyada plugins aapne active ki hai utna jyada time aapki site ko load hone me lagta hai.

Meri salah hai aap kewal bahut jaroori plugin install kare.

7. Weak password rakhna

Apni wordpress site me login karne ke liye aapne password kaun sa set kiya hai?

Apna birth date, koi easy name ya koi city ka name – Yah sab weak passwords hain.

Password aapka hamesha strong hona chahiye. Password me aapko special character @!$%^&*] ka use karna chahiye.

Aap online password generator tool ka use kar sakte hain strong password generate karne ke liye.

Password yaad rakhne ki tension hai to aap free password manager use kar sakte hain.

8. Backup na lena

Kya aap apni wordpress site ka regular backup lete hain?

Nahi? Fir to aap bahut bada risk le rahe hain. Maan lo aapke server me koi problem aa gayi aur aapka data delete ho gaya, maan lo aapki site hacking ka target ho gayi to.

Backup agar aapne liye hai to aap aisi condition me apni site ko fir se recover kar sakte hain,

WordPress par premium aur free plugins available hain aapke liye jo aapki site ka full backup le sakti hain.

Premium Plugins me Vaultpress sabse best hai jo main use karta hu aur free plugin ke updraftplus sabse best hai, aap apne according koi bhi use kar sakte hain.

9. Security par focus na karna

WordPress par security ek bahut important part hai, agar aapne security me risk liya to aapki site hack ho sakti hai.

Har saal hazaro wordpress sites hack hoti hain, iske kayi reasons hain aur sabse bada reason site owner ka security ko ignore karna hota hai.

WordPress security ke liye expert tips aapko jaroor apni site me implement karni chahiye.

Internet par aap wordpress security ke liye kayi articles read kar sakte hain. Maine apni special post me aapk wordpress site ko secure kaise rakhe iski kayi tips provide ki hain jo aapko follow karni chahiye.

Read: WordPress site ko secure kaise kare?

10. Database cleanup na karna

Database aapki site ka sabse base part hota hai. Aapki site ki Post, comments, pages, theme-plugin settings, login details sab yaha store karke rakha jata hai.

Database ko aapko regular clean and optimize rakhna jaruri hai.

Spam comments, post revisions, drafts aisa bahut unnecessary data aapke database me store ho jata hai jis se kayi bar site ki speed par effect padta hai.

Apni website ko smoothly run karne ke liye aapko regular apna Database clean and optimize rakhna chahiye.

Read: Database ko clean and optimize kaise kare?

11. Image optimize na karna

Post me images ka use karna jaruri hai, aapke thousands words ko ek single image describe karti hai.

Par agar image ko optimize nahi kiya hai to yah aapki bahut badi mistake hai.

Image agar optimize na ho to aapki site ki speed par bura effect padta hai, aapke traffic par bura effect padta hai.

Image post karne se pahle aapko image ko compress karke reise karna jaruri hai. Sath hi image ka name or ALT tag properly add karna jaruri hai.

Read: Image optimize kaise kare?

12. Site ki speed optimize na karna

Site ki speed ko aapko ignore nahi karna chahiye. Search engine ranking me top par aane ke liye aapko super fast website banana jaroori hai.

Site ki speed and performance ko better karne ke liye aapko kayi points par focus karna jaruri hai.

Read: WordPress site ko Speed up kaise kare?

13. Too many categories use karna

Kya aapki site me bahut sari categories ka use kiya gaya hai, fir to yah SEO ke liye perfect nahi hai.

Aapke visitors aur search engine robots confuse ho jate hain aur sahi post ko find nahi kar pate.

Site me minimum categories ka use kare, aap categories ki jagah tags add kar sakte hain. Categories ka spam na kare.

14. Permalink Structure change nahi karna

Kya aapne apna permalink structure change kiya hai?

Default wordpress permalink structure SEO friendly nhi hota, aapko apni first post karne se pahle permalink change karna jaroori hai.

Permalink change karne ke liye aapko sirf settings me permalinks par click karna hai aur Post name permalink ko select karna hai.

change permalink wordpress

15. WordPress and plugins ko update nahi rakhna

Kya aap wordpress ko update nahi rakhte?

Kya aap apni plugins ko update nahi karte?

Fir to aap site ki security ke liye sabse bada risk le rahe hain. 4% wordpress site iski wajah se hack ki jati hain ki site owner wordpress aur plugins ko update nahi karte.

wordpress update notification

Security hole ko fill karne ke liye wordpress team regular update release karti hai jo aap single click me update kar sakte hain. Aise hi plugin aapko regular update karna jaruri hai.

16. Contact form use nahi karna

Contact form kisi bhi website ke liye bahut jaroori hota hai.

Aapke visitors aapko contact kar sake aur sath hi advertisers aapko contact kar sake aisa platform aapko provide karna chahiye.

WordPress me aap contact form easily create kar site me add kar sakte hain.

Read: wordpress me contact form kaise install kare

17. Favicon change nahi karte

Favicon aapki site ki identity hoti hai. Jo ek small image me browser ki tab me show karti hai.

favicon

Popular sites me aap favicon dekh sakte hain.

Aapko bhi apni site ka Favicon set karna jaruri hai. Agar aap Favicon change nahi karte hain to aapki hosting site ka default favicon site ke liye show karta hai.

Favicon change karne ke liye wordpress dashboard par Appearance » customize » General me site identity option par click kare aur 512×512 pixel image upload kare.

18. Google And Bing Webmaster use nahi karte

Google aur Bing jaise search engine me aapko site verify karna, sitemap submit karna bahut jaroori hai.

Iske sath-sath aapko regular Google search console (webmaster tools) ko check karna chahiye, taki aap site related errors ko dekh sake.

Hamare kuch users kewal sitemap submit kar Google search console open hi nahi karte. Jo unki sabse badi mistake hai.

Aapki site sahi work kar rahi hai ya nahi, koi error hai ya nahi, sitemap sahi tarah se submit ho raha hai ya nahi wo sab aapko regular dekhna jaruri hai.

19. Post publish karne ke baad permalink change karna

WordPress par Post ko publish karne ke baad bhi permalink edit ka option enable rahta hai.

Bus yahi par kuch users mistake kar jate hain, wo edit par click kar permalink ko chnage kar dete hain aur iski wajah se aapki post ka URL bhi chnage ho jata hai.

URL change hone search results me pahle se index URL me 404 error show karti hai jo kisi bhi website ke liye sahi nahi hai.

permalink edit

Ek baat hamesha dhyaan rakhe post ko publish karne ke baad aapko permalink change nahi karna chahiye.

20. Site Logo Design nahi karte

Website ka logo aapki site ki identity hai. Kuch users paint me hi apna ugly logo design karke site me set kar lete hain.

Aapki site professional and attractive lage iske liye hamesha professional logo set  kare.

Fiverr.com par aap sirf $5 (Rs.380 approx) me apna logo order kar sakte hain, maine apna logo fiverr se hi order kiya hai.

21. Hosting Cpanel Nahi Seekhna

Aapne wordpress install kar liya matlab aapne poora  wordpress seekh liya – aisa sochna sabse badi mistake hai.

Hosting Cpanel aapko learn karna bahut hi jaruri hai.

File manager kaise access karte hain, PHPmyadmin kya hota hai, htaccess file kaise edit karte hain,  aisi bahut si cheeje hain jo aapko Cpanel me learn karna jaroori hai.

Internet par hazaro articles hain jaha aap sab kuch seekh sakte hain.

Last Words

To hamare new wordpress users ko khyaal aa gaya hoga ki aapko kya-kya dhyaan me rakhna hai aur kaun si mistakes hain jinko aapko theek karne ki jarurat hai.

Aisi common mistakes future me aapki site ke liye bahut bada issue ban sakti hain, aapke liye tension create kar sakti hain. Isliye aisi mistakes ko sahi waqt par correct kar lena chahiye.

Comments (0)

Leave a Reply

Your email address will not be published. Required fields are marked *