HomeInternet

Kotak Bank Me Online Money Transfer Kaise Kare

Like Tweet Pin it Share Share Email

India ki sabse popular and best banking me kotak Mahindra bank ka naam to aapne suna hoga, aap me se kayi uske customers bhi honge.

Main personally kotak mahindra bank account use karta hu, specially debit card service ke liye jo ki paypal and all type international transactions ko support karta hai.




Kotak bank aapko Savings account se sath-sath JIFI current account and JiFI saving account offer karti hai jisme aap sara kaam online kar sakte hain, isme aapko passbook provide nahi ki jati.

Jo log Paypal supported debit card chahte hain wo Kotak Mahindra me apna account open kara sakte hain wo bhi zero balance par.

Jifi current account me aapko sirf account open karne ke liye Rs.10,000 deposit karna padta hai, account open hone ke baad aap apna paisa withdraw kar sakte hain aur zero balance me account active rakh sakte hain.

Aaj main aapko batane ja raha hu Kotak online banking se kaise Money transfer karte hain.

Kotak Bank me online Money Transfer Kaise kare?

Lag-bhag sabhi banks aapko account ke sath Net banking ki facility deti hain taki aap online banking kar sake.




Kotak bank bhi aapko Net banking, phone banking ki facility deti hai.

Net banking se aap online sara banking ka kaam kar sakte hain like money transfer karna, Debit card apply karna, statement dekhna, bill-recharges pay karna – overall aap apna account manage kar sakte hain.

Kotak Bank me Online money transfer karne ke liye sabse pahle aapko Beneficiary account add karna padta hai, beneficiary matlab jiske account me aap paisa send kar rahe hain uski banking details aapko Kotak account me add karni padti hain.

1. Add Beneficiary

Sabse pahle apne Kotak Net banking me login kare, CRN (customer register number) and password enter karke login kare.

  • Net banking account me login karne ke baad Banking Tab par click kare.
  • Banking tab me Transfer and Payments link par click kare.
  • Transfers and Payments me Add/manage Beneficiary par click kare.

Kotak bank add beneficiary

Add/manage beneficiary me aap kisi bhi beneficiary ko add/remove kar sakte hain, hume beneficiary add karna hai isliye + Add a Beneficiary par click kare.

add beneficiary Kotak bank




Beneficiary ki primary details me uska name, Mobile number and Nick name add kare, other details leave kar sakte hain, now click Add the Beneficiary.

Kotak bank add beneficiary

Next screen me aapko add ki gayi primary details confirm karna hai, aur Add a transfer type par click karna hai.

add beneficiary kotak bank

Add a Transfer Type me aapko beneficiary ke account ki details add karna hai. Beneficiary ka account kotak me hai ya fir kisi other bank me uske according option choose kare. Agar IMPS fund transfer karna chahte hain to wo select kare, IMPS me aapko beneficiary ka IFSC or MMID details add karna hota hai.

Transfer Type me select kiye gaye option ke according fund transfer type select kare jisme NEFT and IMPS aapko select karna hai, other option choose na kare.




  • Account details me beneficiary ka account number add kare
  • Account type me saving/current jo bhi ho wo select kare.
  • Destination bank details me Beneficiary ki bank branch find kare aur add kare.

add beneficiary kotak bank

Now submit par click kare.

Next screen me Details ko check kar Confirm par click kare.

add beneficiary kotak bank

Confirm par click karne ke baad aapke Registered number par Activation Key receive hogi jo ki enter karke Beneficiary ko activate karna hai.

Activation Key se beneficiary activate kare ke liye Add/manage Beneficiary par click kare aur Added beneficiary par Activate link par click kare.




kotak activate beneficiary kotak bank

Activate key enter karke submit kare.

kotak bank activate beneficiary

Bus within some minutes aapka beneficiary activate ho jayega aur aap fund transfer kar sakte hain.

2. Added Beneficiary ko Fund Transfer kare

beneficiary ko add karne ke baad ab aap online fund transfer kar sakte hain.

Banking Tab par click kare.

kotak bank transfer fund

Transfer and Payments par click kare aur Make a Transfer par click kare.

Payment details me Transfer type and transfer mode select kare. Remember agar aapne NEFT par beneficiary add kiya hai to aapko NEFT choose karna hai, IMPS se karne ke liye aapko fir se IMPS se beneficiary add karna hoga.

Transfer details me apna add kiya gaya beneficiary select kare aur amount enter kare.

When to pay option se aap fund transfer ko schedule par bhi rakh sakte hain, agar instantly pay karna chahte hain to Pay Now par click kare.

To is tarah se Kotak bank online net banking se aap kisi bhi bank account me NEFT or IMPS se fund transfer kar sakte hain.

Kotak bank ki Mobile app bhi available hai jisme aap banking ki sabhi features use kar sakte hain. Next time money transfer karne ke liye aap App ka use kar sakte hain.

Comments (0)

Leave a Reply

Your email address will not be published. Required fields are marked *