HomeInternet

SBI Internet Banking Kaise Use Karte Hain

Like Tweet Pin it Share Share Email

Mere paas 2 SBI Account hain aur dono accounts ko main online manage karta hu Netbanking ke jariye. kareeb 1 saal ho gaya main abhi tak branch me visit nahi kiya, kyun ki sabhi kaam main online karta hu.

Meri tarah aap me se bhi kayi apna Bank account online manage karte honge?




Bata du ki sabhi Banks aapko free Net Banking (Internet Banking) ki facility provide karti hain jisme aap computer par Internet ke jariye apne Bank account ke wo sare kaam kar sakte hain jo bank se related hain.

Jaise ki:

  • Bank statement dekhna
  • Fund transfer karna (kisi bhi account me)
  • IMPS Fast money transfer
  • Debit/ATM card apply karna aur PIN change karna
  • ATM/Debit card Block karna
  • Fix Deposit open karna
  • Bill payments, recharges karna
  • Online shopping and payment karna

Overall sabhi kaam aap Net banking ke jariye kar sakte hain.

Aaj main aapko SBI Net banking ka use kaise karte hain iske bare me bata raha hu. Aap me se kayi log aise bhi hain jo abhi tak Internet par apna bank account manage nahi karte, to bus article read kare aur jaaniye kya-kya kar sakte hain aap SBI Internet Banking se.

Apne SBI Account me Internet Banking Kaise Active Kare?

Pahle SBI Net banking activate karne ke liye hume Bank branch me jana padta tha, lekin ab aisa nahi hai. Ab aap online internet par ATM/Debit Card ke jariye bhi SBI Net banking activate kar sakte hain.




Online Internet par ATM/Debit card ke jariye SBI Net banking kaise Activate karte hain iske liye main already article publish kar chuka hu. Bus wo process follow kare aur sirf 5 minutes me apni net banking ko enable kare.

Ok, to humara SBI Net banking activate ho gaya hai aur ab hum ready hai apne SBI Account me login karne ke liye.

Login to SBI Net Banking

Online SBI Account me login karne ke liye hamesha uska address bookmark karke rakhe, kabhi ki kisi other site se SBI net banking ki site open na kare, ho sakta hai wo site fake ho aapko fasaane ke liye.

SBI Internet banking ki link hai – https://www.onlinesbi.com/

Jaisa ki aap dekh sakte hain above link me “https” hai matlab secure connection. To yah link hamesha dhyaan se visit kare. Waise agar aap OnlineSBI type kar google search karenge to first link aapko SBI net banking ki show karegi, aap waha se open kar sakte hain.

Onlinesbi login page par aapko apna User ID aur password enter karke login karna hai.

Yaha aapko ek baat par dhyaan dena hai ki user ID and Password aap Keyboard se type na kare, wo enter karne ke liye “Virtual Keyboard” ka use kare.




Lagbhag sabhi Internet banking aapko Virtual Keyboard provide karti hain, SBI bhi karti hai.

onlinesbi login

Login page par pahle “Enable Virtual Keyboard” par check kare aur mouse se virtual keyword ke keys press kar user ID and password add type kare.

Great hum apne OnlineSBI account me login ho gaye hain.

1. Check Account Balance & Full Statements

Aapke account me balance kitna hai, last month ka bank statements wo sabhi details aap online dekh sakte hain.

Apne account ke statement dekhne ke liye click kare – My Accounts tab par.




onlinesbi my accounts

My Accounts me aap apna available balance dekh sakte hain aur Account statement par click kar kisi bhi month ka statment download bhi kar sakte hain.

2. Fund Transfer kare kisi bhi bank account me

Sabse fast aur tension free money transfer karne ke liye Net banking sabse best choice hai. SBI aapko NEFT (national electronic fund transfer), RTGS (Real-time gross settlement), IMPS & Quick transfer jaise online fund transfer karne ki facility provide karti hai.

NEFT and RTGS se aap kisi bhi bank account me maximum 10 lakh money transfer kar sakte hain.

IMPS (Immediate payment service) se aap kisi bhi bank account me 2 lakh  money send kar sakte hain. Yah sabse fast money send karne ka solution hai.

SBI Quick transfer se aap bina kisi beneficiary ko add kiye direct Rs.5000 kisi bhi account me bhej sakte hain.




Fund kisi bhi bank account me transfer karne ke liye click kare – Payments/Transfers tab par

onlinesbi payments transfer

Payments/Transfers tab par aap fund transfer karne ke liye sabhi options dekh sakte hain.

  • Own Account — Apne kisi doosre SBI account me money transfer karne ke liye own account par click kare
  • Account of Others — Kisi other person ke SBI account me fund transfer karne ke liye yah option choose kare
  • Interbank beneficiary — Kisi other bank me money transfer karne ke liye yah option select kare
  • IMPS Fund Transfer — IMPS fast money send karne ke liye yah option select kare
  • Quick transfer — Rs.5000 kisi bhi account me send karne ke liye yah option choose kare, isme aapko Sirf account number aur IFSC code enter karna padta hai.

Remember: Other SBI account and Inter bank transfer, IMPS ke liye sabse pahle aapko Beneficiary ko register karna padta hai.

Read:

3. ATM/Debit Card Apply kar Ghar par Receive kare

Ab aapko New ATM or Debit card lene ke liye bank ki branch me visit nahi karna padega, ye kaam aap online kar sakte hain.

SBI Net banking ke jariye aap apna New card ghar par receive kar sakte hain.

New ATM/Debit card online apply karne ke liye click kare – e-Services tab par.

sbi atm debit card apply online

e-Services tab par “ATM card Services” par click kare. Yaha Request ATM/Debit card par click kar aap apna New ATM/Debit card ghar par 20 days ke andar receive kar sakte hain.

Read: SBI ATM/Debit card ke liye online apply kare

4. ATM/Debit card PIN change kare

Apne Card ki PIN change karne ke liye aapko ATM or branch visit karne ki jarurat nahi hai. Aap Online net banking ke jariye kuch clicks me apna PIN kisi bhi samay change kar sakte hain.

Apne SBI ATM/Debit card ka online PIN change karne ke liye click kare – e-Services tab par.

Pin ATM generate online

e-Services par ATM card Services par click kare. Ab ATM pin Change par click kare.

Read: Apna SBI ATM ka PIN online kaise change kare

5. Apne Card ki emergency me Block kare

Card kisi jagah lost ho jaane par ya kisi bhi emergency ke samay aapko block karna ho to wo bhi aap online kar sakte hain.

Card ko block karne ke liye click kare “e-services” tab par.

e-Services tab par ATM card services me Block ATM card par click kare aur apna card select kar Block kare.

Waise ATM card block karne ki 4 methods hain, Read: ATM card block karne ki 4 methods

6. Bank Alerts ke liye Mobile number add/change kare

Account me koi bhi transaction hone par aapko registered mobile number par uska alert milta hai aur sath hi OTP bhi aap registered mobile number par receive karte hain.

Aap jab account open karte hain tab mobile number bhi register karna padta hai.

Ab maan lo aapko SIM card change karna ho to aapko new number SBI me register karna hoga, yah kaam aap online net banking ke jariye kar sakte hain.

Apna New Mobile number old number se change karne ke liye Profile tab par click kare.

Read: SBI registered mobile number online kaise change kare?

7. Apna Aadhar card link kare

LPG gas subsidy apne bank account me receive karne ke liye aapko apna LPG customer number aur Aadhar card bank account me register karna padta hai.

Aadhar card bank account se link aap online kar sakte hain aur LPG subsidy apne account me receive kar sakte hain.

My Accounts tab par click kare, yaha Link Your Aadhar Number par click kare.

LPG gas subsidy receive karne ke liye apna Gas customer number add karne ke liye My Accounts par “Link your LPG Customer ID” par click kare.

Read: Aadhar Card aur LPG customer ID SBI bank account se link kaise kare

Other Works through SBI Net banking

State bank of India Net banking ke jariye aap aur bhi bahut se kaam online kar sakte hain.

  • Cheque Book Request

Aap new cheque book ghar par receive kar sakte hain. e-services par click kare aur “Cheque book request” par click kare

  • Fixed Deposit

Fix Deposit bhi aap online kar sakte hain. click kare Fix Deposit tab par. Fix Deposite me aap under tax saving scheme me maximum 1.50 lakh deposit kar sakte hain. Jisme aap 5 to 10 years tenure tak money deposit kar sakte hain.

  • SBI Freedom registration

SBI freedom app ko activate karne ke liye aapko ATM or branch me visit karna padta hai, lekin yah kaam aap online bhi kar sakte hain. e-services tab par yah option available hai

Read: State Bank freedom app activation process

  • Virtual Card Create kare

Virtual card limited time ke liye use kiya jane wala card hota hai jo aap online generate kar sakte hain. Yah card aap Debit card ki tarah sirf ek bar online use kar sakte hain.

Virtual card create karne ke liye e-services tab par click kare.

Final Words

Overall, Banking ke saare kaam aap Onlinesbi par kar sakte hain, sirf Cash deposit karne ke liye aapko branch visit karna padega, other sare kaam aap online kar sakte hain.

Sabse main kaam money transfer ka hota hai jo ki Internet banking se smoothly kiya ja sakta hai. Aaj cashless payment bahut jyada hone lagi hain isliye aapke liye jaroori hai online money kaise transfer karte hain iski knowledge ho.

To dosto Activate kare apne SBI account ke liye Net banking aur use karna start kar de abhi se.

Don’t worry Internet banking bilkul safe hai, bus safety ke liye aapko kuch points dhyaan me rakhna hai aur kuch nahi.

Read: Internet banking safety Tips

Comments (4)

Leave a Reply

Your email address will not be published. Required fields are marked *