HomeInternet

SBI Anywhere Mobile App Se Digital Banking kaise Kare?

Like Tweet Pin it Share Share Email

India me sabse jyada customers agar kisi Bank ke hain to wo hai – State Bank of India. Ameer ho ya Gareeb sabke paas apna SBI saving account hai.

Aaj main SBI users ko Digital banking kaise karte hain uske bare me batane ja raha hu, jisme main aapko bataunga ki kaise aap bina Bank branch me visit kiye Banking ke important kaam apne Smartphone par kar sakte hain.




Ji ha aaj main aapko SBI Anywhere Mobile App ko kaise use karte hain iske bare me batane ja raha hu.

SBI Anywhere App ke Bare me

Lagbhag sabhi bank aapko Mobile App offer karti hai jo aap apne smartphone me install kar banking ke kaam kar sakte ho.

SBI bhi aapko – SBI Anywhere mobile app offer karti hai jo aap apne Smartphone me install kar banking ke kaam kar sakte ho.

SBI Anywhere application Android, iOS, windowsPhone, Blackberry sabhi platform ke liye available hai.

SBI Anywhere Appication ke kuch main features is tarah hain:




  • Aap apna Bank account balance and statement dekh sakte hain
  • Online Fund transfer NEFT, RTGS, IMPS, quick transfer kar sakte hain
  • ATM Card block kar sakte hain
  • Bank account se Aadhar card link kar sakte hain
  • LPG gas Subsidy ke liye register kar sakte hain
  • Mobile Top-up, Dish TV recharges
  • Fix Deposit open kar sakte hain
  • Cheque book request kar sakte hain

Waise Sabse important kaam agar aap SBI anywhere App se kar sakte hain to wo hai – Online Money transfer

To chaliye SBI Anywhere App ka use kaise karte hain wo learn karte hain taki jyada se jyada SBI customers digital banking ka use kar sake.

SBI Anywhere App ka use kaise kare

Sabse pahle apne Smartphone par SBI Anywhere App ko install kare.

Install karne ke baad ab Application open kare.

Yaha hume apne Bank account me login karne ke liye Internet banking User ID and Password enter karna hai. Internet banking agar aapki active hai to achi baat hai, agar Internet banking aapke paas nahi hai to aap apne Debit card and registered Mobile number ki help se online Net banking activate kar sakte hain.

Read: Internet Banking online kaise Activate kare?

Agar aapse Online Internet banking Activate nahi ho rahi hai to apni bank branch me visit kare aur Internet banking ke liye apply kare. Bank aapko User Id and password provide karegi jiska use aapko Net banking me login karne ke liye karna hai.




SBI Anywhere App me apni Internet banking user ID and password se login kare.

Login karne ke baad ab hum SBI Anywhere Application ke alag-alag features ke bare me dekhenge.

1. Account Balance and Statement Dekhe

Aapke account me abhi kitna paisa hai aur last kya kya transaction aapne kiye wo sari details aap dekh sakte hain.

SBI anywhere balance check

  • SBI Anywhere App par My Accounts par tap kare.
  • My Accounts me Transaction Accounts par tap kare

Transaction accounts me aap apne Account number dekh sakte hain aur balance kitna hai wo bhi dekh sakte hain.

Statement dekhne ke liye apne Account par tap kare.




Agli screen me aap Mini statement par tap karke last 10 transaction details dekh sakte hain.

2. Apne Doosre SBI Account me money transfer kare

Agar aapke paas 2 SBI Account hain to ek account se dusre account me easily money transfer kar sakte hain.

SBI anywhere fund transfer

  • Banking icon par Tap kare.
  • Yaha aapko Fund Transfer (own A/c) par tap karna hai

Agli screen me From me apna wo account select kare jaha se paisa send karna hai aur To me wo account select kare jaha paisa send karna hai.

Amount Enter kare aur Submit par tap kare.

3. Kisi other person ke SBI Account me Money transfer kare

Kisi other person ke SBI account me paisa transfer (Intra bank transfer) karne ke liye aapko sabse pahle usko as a beneficiary add karna hoga.




Beneficiary add karne ke liye aapko onlinesbi.com par visit kar net banking user ID and password se bank account me login karna hai.

Read this guide: NEFT fund transfer kaise karte hain?

Beneficiary add karne ke baad aap SBI Anywhere App se add kiye gaye beneficiary ko money send kar sakte hain.

SBI anywhere fund transfer

  • Money Send karne ke liye Banking me Fund Transfer (other SBI A/c) par tap kare
  • Agli screen me From me apna bank account number select kare aur To me add kiye gaye Beneficiary ko select kare.
  • Amount enter kare aur Submit par tap kare.

Dhyaan rahe kisi bhi other bank account me Fund transfer karne ke liye aapko sabse pahle wo bank account as a beneficiary add karna jaroori hai, uske baad hi aap fund transfer kar sakte hain.

4. Kisi bhi Bank me money transfer kare

SBI ke alawa other Bank like Kotak, ICICI, Axis, BOI, BOB etc etc me fund transfer karne ki process ko inter-bank transfer karte hain.

Kisi other Bank account me agar aapko Money transfer karna hai to iske liye bhi aapko wo bank account as a beneficiary add karna jaruri hai, uske baad aap Fund transfer kar sakte hain.

Beneficiary add karne ke baad aap SBI Anywhere App par kisi bhi Bank ke account me money send kar sakte hain.

SBI anywhere fund transfer

  • Money Send karne ke liye Inter-Bank (other Bank) par tap kare.
  • Agli screen me aapko NEFT and RTGS options milenge, aap koi bhi option choose kar sakte hain.
  • Agli screen me From me apna account number select kare aur To me add kiye gaye beneficiary ko select kare. Amount enter kare aur Submit kare.

5. IMPS Fund transfer kare

IMPS (immediate payment service) se aap kisi bhi bank me sabse fast Money transfer kar sakte hain. Kuch Seconds me hi aapka paisa transfer ho jata hai.

IMPS se Fund transfer karne ke liye aapko jis account me paisa send karna hai wo as a beneficiary add karna jaroori hai uske baad aap Anywhere app se add kiye gaye Beneficiary ko money send kar sakte hain.

SBI anywhere IMPS fund transfer

IMPS se money send karne ke liye IMPS par tap kare.

Agli screen me aapke paas 2 options hain.

Person to Account (using IFSC)

Agar aapke paas saamne wale person ka Bank account number hai to aap yah option select kare. Isme aapko jis person ko money send karna hai uska bank account and IFSC code enter karna padta hai.

Person to Person using MMID

Agar aapke paas saamne wale person ka MMID jo IMPS fund transfer karne ke liye special ID hoti hai wo hai to aap MMID ka use karke IMPS se find transfer kar sakte hain.

Read this guide: SBI me IMPS fund transfer kaise karte hain?

6. Quick Fund Transfer kare

Quick Transfer facility me aap bina beneficiary add kiye kisi bhi bank account me Rs.5000 IMPS fund transfer kar sakte hain.

Agar aapko urgent kisi person ko below Rs.5000 amount dena hai to aap quick fund transfer use kar sakte hain, isme aapko beneficiary add nahi karna padta.

SBI anywhere fund transfer

  • Banking tab par Quick Transfer par tap kare
  • next screen me aapko apna debit account select kar, jaha paisa send karna hai uska name, account number, IFSC code enter karna hai aur sath me amount enter karna hai.

Now Tap transfer, kuch seconds me aapka paisa transfer ho jayega.

Read: SBI Quick transfer kaise karte hain

7. ATM card Block kare

SBI Anywhere App se aap apna ATM/Debit card Block bhi kar sakte hain.

Card block karne ke liye SBI Anywhere app par Banking par tap kare.

SBI anywhere block atm

Banking me ATM card Block option par tap kare.

Ab apne Card ka last 4 digit number add kare aur submit kare.

Also Read: SBI ATM Card Block karne ki 4 methods

8. Aadhar card and LPG Customer ID link kare

Gas subsidy direct apne bank account me receive karne ke liye aapko Aadhar card aur LPG gas customer ID apne Bank account se link karna padta hai, uske baad aap government jo subsidy deti hai wo account me receive kar sakte hain.

SBI Anywhere App me Aadhar Subsidy par tap kare.

SBI anywhere link aadhar

Next screen me Link Your Aadhar Number aur Link your LPG customer ID par tap kar apne Aadhar card and LPG gas customer ID add kar submit kare.

Also read: Aadhar card and LPG gas ID SBI account se link kaise kare

9. Mobile and Dish TV recharge kare

Kisi bhi Network ka mobile number aur kisi bhi DTH service ko aap SBI Anywhere app se recharge kar sakte hain.

Recharges karne ke liye SBI Anywhere app me Top-up/Recharge par tap kare.

SBI anywhere recharge

Next screen me aap Mobile top-up and DTH recharge ke option dekh sakte hain. Bus apna Mobile number or customer ID enter kare aur amount enter kar recharge kare.

Final Words

Dosto main aapko suggest karunga ki jyada se jyada Digital banking ka aap use kare, aapko iski jaankari hona bahut jaroori hai.

Yah jaroori nahi hai ki har kaam karne ke liye aap Bank me visit kare, jab sabhi kaam aap apne smartphone par kar sakte ho to bank me pareshan hone ki kya jarurat hai.

Aaj ke digital world me log cashless payment ki taraf aage badh rahe hain aisi condition me aapke liye bhi jaroori hai ki aap bhi yah sab learn kare aur digital banking kare.

Comments (0)

Leave a Reply

Your email address will not be published. Required fields are marked *