HomeDigital Banking

BHIM UPI based App Ka Kaise Use Karte hain (Hindi Guide)

Like Tweet Pin it Share Share Email

BHIM (Bharat Interface for Money) – UPI based Application NPCI (National Payments corporation of India) ne develop ki hai. Yah App aap apne smartphone me install kar, apna bank account connect kar online money send/receive kar sakte hain. Abhi BHIM ke jariye aap money send/receive kar sakte hain, new updates me aur bhi kaam aap kar sakenge.

Aaj main aapko BHIM UPI based Application ka use kaise karte hain iske bare me complete guide dene ja raha hu.




BHIM App ek UPI (unified payment interface) Application hai. Yah App lagbhag sabhi banks ko support karti hai, yani ki koi bhi bank account holder iska use kar sakta hai. Aapko sirf apna bank account BHIM App se connect karna hai jo ki aap apne bank se registered mobile number se kar sakte hain.

To chaliye step by step BHIM Application ka use kaise karte hain iske bare me dekhte hain.

BHIM UPI App ka use kaise kare?

BHIM UPI App ka use karne ke liye aapke paas sirf aapko 2 cheeje chahiye:-

  1. Kisi bhi Bank me Account
  2. Bank Account se Registered Mobile Number

Agar aapke pass yah dono hai to chaliye BHIM Application install karte hain. BHIM App ko apne smartphone me playstore se install kare.

1

BHIM App ko install karne ke baad open kare. Sabse first screen me aapko apna mobile number verify karna hai. Dhyan rahe aapka bank se registered mobile number smartphone me hona jaroori hai.




bhim app register

  • Automatic BHIM App  aapka Mobile number detect kar legi, apna registered number select kar next kare. Next karne par BHIM App ek automatic SMS send karegi isliye make sure 1-2 Rs. ka balance ho SMS karne ke liye.

BHIM upi app register

Mobile Number verify karne ke baad aapko BHIM App login PIN set karna hai. 4 digit ka PIN enter kare aur √ par tap kare aur aage badhe.

2

Login PIN set karne ke baad next screen me aapko apni Bank select karna hai jisme aapka account hai.

Bank lists me se apni Bank select kare. Make sure selected bank account se aapka verify kiya gaya number registred ho.

bhim upi app bank list

  • Bank select karne ke baad next par tap kare.

Ab next screen me aapka bank account number show karega. Account par tap kar select kare.




BHIM upi app select bank account

3

Account select karne ke baad next screen me aapko UPI PIN set karna hai. UPI PIN ka use bank account ka balance check karne, fund transfer karne ke liye hota hai. Jab bhi aap transaction karenge UPI PIN enter karna hoga.

BHIM app set upi pin

  • UPI PIN set karne ke liye Set UPI PIN par tap kare.

Next screen me aapko apne Debit card ka last 6-digit enter aur expiry date enter karna hai. Enter karne  ke baad √ par tap kare.

BHIM app set upi pin

Next screen me aapko OTP enter karna hai jo ki aapke registered mobile number par receive hoga aur apna 6-digit UPI PIN set karna hai. PIN enter karne ke baad √ par tap kare.




bhim app set upi pin

Ab hum ready hai BHIM app ka use karne ke liye. Humne bank account bhi add kar liya hai aur UPI PIN bhi set kar liya hai.

4

Ab hamara agla step hai apna UPI address set karna. UPI address ka use aapke banking details ki jagah kiya jata hai. Yah address par aapko koi bhi money send kar sakta hai.

Maan lo aapko koi UPI ke jariye money send karna chahta hai to usko sirf aapka UPI address ya mobile number chahiye, bilkul aise hi agar aapko kisi ko money send karna hai to aapko saamne wale person ka mobile number ya  fir upi address chahiye.

Apna UPI address set karna jaroori nahi hai kyunki koi bhi aapka mobile number enter karke bhi UPI se money send kar sakta hai.

Apna UPI address set karne ke liye BHIP app home screen par Profile par tap kare. Profile screen me aap apna default UPI address dekh sakte hain jo ki aapke mobile number se set hota hai jaise ki “[email protected]




BHIM upi app set payment address

New upi address set karne ke liye Profile me Add payment address par tap kare aur next screen me apna payment address set kare.

BHIM App Se Money Send kaise kare?

Humne BHIM App par apna Bank account bhi add kar liya, UPI PIN set kar liya aur apna UPI address bhi set kar liya. Ab aap kisi bhi bank account me money send kar sakte hain aur receive kar sakte hain.

BHIM App par aap kisi bhi bank account me money send kar sakte hain.

BHIM App se aap kayi methods se money send kar sakte hain.

  1. UPI Address/mobile se send kare
  2. Account number & IFSC details se send kare
  3. Aadhaar card se

1: UPI address/Mobile number se money send kare

BHIM upi app send money

  • UPI address/mobile number se Money send karne ke liye Send icon par tap kare.
  • Send money screen me aapko saamne wale person ka UPI address ya fir uska mobile number enter karna hai aur verify par tap karna hai.
  • Ab next screen me aapko amount enter karna hai aur Pay par tap karna hai.

Pay par tap karne ke baad next apna UPI PIN enter kare aur send kare. Done!

2: Bank Account number & IFSC code se send kare

Aap kisi bhi person ke bank ke account number & IFSC code se bhi money transfer kar sakte hain.

Account no. & IFSC se money send karne ke liye Send icon par tap kare.

BHIM UPI app send Money

  • Ab next screen me aapko 3 dots par tap kar options open karna hai jisme Account+IFSC par tap karna hai.
  • Next aapko Person name, Account number, IFSC code enter karna hai and tap on Send.
  • Next Amount enter kare aur send kare. UPI pin enter kar confirm kare. Done!

3: Aadhar card number se money send kare

Aap Aadhar number ka use karke bhi money transfer kar sakte hain.

Aadhar number ka use karke money send karne ke liye aapko saamne wale person ka aadhar card number enter karna hai aur verify karna hai.

Agar saamne wale person ka Aadhar card bank account se linked hai to aap money send kar sakte hain.

Well, abhi iska use na kare wo hi achha hai kyunki  most of account holders ka aadhar number unke bank account se linked nahi hota.

To is tarah se aap BHIM App ke jariye money transfer kar sakte hain. Fast and secure.

BHIM ke jariye aap money request bhi kar sakte hain aur QR Code scan kar pay bhi kar sakte hain. Yah sab aap post ke next update me learn karenge.

Comments (1)

Comments are closed.