HomeSEO

Google XML Sitemaps Plugin Configure Kaise kare?

Like Tweet Pin it Share Share Email

Sabhi webmasters kisi bhi SEO strategy ko follow sirf isliye karte hain taki site search results me top par ho. Lekin iske liye yah bhi to jaroori hai ki aapki site properly search engine me index ho.

Indexing ka simple sa matlab hota hai “aapke site content ko search engine properly discover kar sake aur search results me show kar sake“. Yaad rahe kisi bi site ke liye organic traffic bahut jaroori hota hai aur wo aapko search engine results se milta hai.




Ab baat yaha yah aati hai ki search results me apni site ko properly index kaise kiya jaye specially Google.

Google search engine par website ko index karna bahut jaroori hai tabhi aap Google se organic quality traffic receive kar sakte hain.

WordPress par aisi kayi plugins available hai jo install kar aap Google me apni site ko properly index kar sakte hain like Yoast and Google XML sitemap.

Aaj main aapko Google XML sitemap plugin ko configure kaise kare iske bare me batane ja raha hu, plugin ko install karne ke baad properly configure karna jaroori hai.

About Google XML sitemaps plugin

WordPress par xml sitemap create karne ke liye Google XML sitemaps sabse popular and most installed plugin hai.




Kareeb 1+ million install ke sath wp users ki sabse favourite plugin hai, even jo log yoast plugin use karte hain wo bhi Yoast sitemap ki jagah Google XML sitemaps plugin ka use karte hain.

Aap Yoast sitemap use kare ya Google XML sitemaps – yah aap par depend karta hai, both are best and most of wp users yah two plugin use karte hain apna sitemap generate karne ke liye.

XML Sitemap kya hota hai [Little info]

XML sitemap aapki site ke URLs ka stuructire hota hai jo xml format me hota hai, basically XML sitemap humans ke liye readable nahi hota hai yah search engine robots ke liye create kiya jata hai.

Search engine crawlers aapki site ko visit karte hain aur xml sitemap ko read karke URLs ko index karte hain.

Jab bhi aap new post publish karte hain to uska URL xml sitemap me add ho jata hai aur search engine spiders URL ke jariye post ko read karke index karte hain.

Install Google XML sitemaps plugin

Google XML sitemaps wordpress repository par free available hai.

Plugins » Add new par click kare aur plugin ko search kar install and activate kare.




Plugin ko install karne ke baad aap Settings » XML-Sitemap ka option dekh sakte hain.

Plugin ko activate karte hi aapki site ka XML sitemap generate ho jata hai jo aap browser me – example.com/sitemap.xml address type karke dekh sakte hain.

configure google xml sitemaps plugin

Configure Google XML sitemap plugin

Plugin ko install and activate karne ke baad aap sitemap to create ho jata hai but plugin ko configure karna bhi jaroori hai taki aur behtar aapki site index ho sake.

Plugin ki configuration settings me aapko bahut kuch kar sakte hain like kis item ko search engine me index karna hai kise nahi, categories and tag index karna hai ya nahi, kisi particular page ko noindex karna.

Plugin configure karne ke liye sabse pahle Settings » XML-sitemap par click kar plugin ki settings open kare.




Hamara sitemap already generate ho gaya hai ab hume Google and Bing ko iske bare me notify karna hai.

Google and Bing ko apne sitemap ke bare me notify karne ke liye “Notify Search Engines about your sitemap” link par click kare.

configure google xml sitemaps plugin

Click karte hi plugin aapke sitemap ko Google and Bing se automatically ping karegi.

Ping karne ke baad plugin aapko sitemap successfully submit kar diya gaya hai iska message show karegi.

Like this:




  • Google was successfully notified about changes.
  • Bing was successfully notified about changes.

Note: Sitemap submit aap direct plugin se kar sakte hain, but main aapko recommend karunga ki aap Google search console par website verify kar waha bhi apna sitemap submit kare taki aap search console me apni site ki performance check kar sake.

Basic options

configure google xml sitemaps plugin

Next plugin settings me basic options ki settings hoti hai.

Update Notifications me aapko “Notify Google about updates of your Blog” and “Notify Bing about updates of your Blog both options par tick karna hai.

Ab aap jab bhi new post/edit karenge to plugin automatically Google and Bing se sitemap ping karegi and updated sitemap submit karegi.

Next option “Add sitemap URL to the virtual robots.txt file” option par bhi tick mark kare, is option se aapka sitemap robot.txt file me add hota hai.

Advanced options me aapko kuch bhi changes/modification nahi karna hai, leave all option without any changes.

Additional Pages

configure google xml sitemaps plugin

Additional pages me aap wo page add kar sakte hain jo aapke sitemap me include nahi hain.

For example — aapne kayi websites dekhi hongi jo example.com/blog par apne articles pulish karti hai aur homepage different hota hai.

Agar aapki site bhi kuch is tarah se to aap yaha apne home page ko add kar sakte hain taki wo bhi sitemap me add ho sake, otherwise leave it.

Post priority

configure google xml sitemaps plugin

Post prioty me aap apni posts ke liye different priority (most important) level set kar sakte hain.

For example, aapki site me popular posts ko aap sitemap me jyada priority denge.

Post priority me aap 3 options dekh sakte hain.

  • Do not use automatic priority calculation — Yah option select karne se sabhi posts ko equal priority di jati hai.
  • Comment Count — yah option select karne se sabse jyada comment ki gayi posts ko priority di jati hai.
  • Comment Average — yah option select karne se comment average ke according priority set ki jati hai.

Yaha aapko “Comment Count” option choose karna hai taki aapki sabse popular posts sitemap me automatically higher priority level receive kar sake.

Sitemap Content

configure google xml sitemaps plugin

Sitemap content me aap wo items select karna hai jo aap sitemap me add karna chahte hain.

Yaha aapko include home page, include posts both options select karna jaroori hai.

Other items like static pages, categories, tags, archive, author archive aap apne according select kar sakte hain.

Main recommend karunga categories, tags and archive option ko select na kare warna site me aap duplicate content ki problem face kar sakte hain.

Last option me Include the last modification time ko select kare, yah option select karne se agar aap posts ko edit karte hain to edited post sitemap me add hoti hai taki new updated post index ho sake.

Excluded items

configure google xml sitemaps plugin

Website me kisi Post, page or categories ko agar aap sitemap me add nahi karna chahte aur nahi chahte index ho to aap wo item yaha add kar sakte hain.

excluded categories list me wo category select kare jo aap sitemap me include nahi karna chahte.

Exclude Post me post or page ki ID enter kare jo aap sitemap me add nahi karna chahte. Post ID dekhne ke liye post/page ke edit par click kare, now browser address bar me aap “Post=444” is tarah dekh sakte hain.

Yaha 444 post ID hai. Bus wo post ID add kare.

Change frequencies

configure google xml sitemaps plugin

Change frequencies settings me aap search engine crawlers jo guide kar sakte hain ki kis samay wo aapki site items ko crawl karne ke liye visit kare.

For example, agar aap regular post karte hain to home page me “Daily” select kare.

Post ko monthly update karte hain to Posts me monthly choose kare.

Confuse ho rahe hain to default settings perfect hain, leave it.

Priorities

configure google xml sitemaps plugin

Priority ke bare me hum above read kar chuke hai. Yaha bhi aapko Home page, post, pages ke liye priority level set karna hai.

Homepage aapka sabse important hota hai isliye homepage priority me 1.0 select kare.

Posts bhi aapki kafi important hoti hain to posts ke liye bhi maximum priority level select kare.

Other items like categories, tags, archive ko minimum priority level select kare like 0.3.

Final Words

To is tarah se aap Google XML sitemaps plugin ko configure kar sakte hain. Yah plugin kafi simple and easy hai isliye sabse best sitemap generator plugin hai wordpress par.

Ek baat aur main kahna chahunga, Google xml sitemaps automatically aapka sitemap Google and Bing me submit kar deti hai jab aap “Notify search engine about your sitemap” par click karte hain, lekin aapko Google search console me bhi sitemap submit karna jaroori hai taki aap search console me apni site analyze kar sake.

New website hai? Quickly Google me index karna hai?

Read:

Comments (0)

Leave a Reply

Your email address will not be published. Required fields are marked *