HomeBlogging

File Manager Se Theme/Plugin kaise Delete Kare

Like Tweet Pin it Share Share Email

Kuch samay pahle maine ek plugin apne wordpress site me install ki thi, starting me to plugin ne acha work kiya but after sometime wo plugin mere liye headache ban gayi, ji ha main apne wordpress Dashboard open nahi kar pa raha tha.

Yah sab us plugin ke karan ho raha tha. Ab apne Dashboard ko working condition me lane ke liye mujhe us plugin ko delete karna tha par bina Dashboard ke main yah kaam kaise karu?




Yah Question aapke mind me bhi aya hoga, aapko bhi kabhi aisa problem face karna pad sakta hai jab aap kisi Plugin ya theme ki wajah se apna wordpress Dashboard access na kar pa rahe ho.

But don’t worry, bina Dashboard access kiye aap koi bhi Theme ya Plugin delete kar sakte hai, aur wo jagah hai “File Manager”.

Delete theme plugin

File Manager Kya hai aur Kaha Available hoti hai?

Dosto File Manager ek aisi jagah hai jahan hamare wordpress site ki saari files and folders store karke rakhe jate hain. Same aapke computer ki tarah jisme alag alag folders and files rahti hain aapke programmes ki.

Jab bhi aapko apni site me kuch changes karna hai ya fir kuch delete karna hai, File Manager best place hai yah kaam karne ke liye. File Manger me aap kuch is tarah ke kaam kar sakte hain:-




  • Aapne koi corrupt plugin install kar li hai aur aapki site access nahi ho pa rahi to aisi condition me aap File Manager open karke us Plugin ko Delete kar sakte hain aur apni Site fir se access kar sakte hain.
  • Kisi bhi theme and plugin ko aap install kar sakte hain.
  • Aapko koi single file upload karna hai like htaccess file jo ki powerful configuration file hai, aisi file aap File Manager ke jariye upload kar sakte hain.
  • Google Search Console me apni site ko verify karne ke liye aapko apni site ki root directory me verification file upload karni padti hai wo kaam bhi aap File Manager me  kar sakte hain.
  • Kisi bhi Theme ko Permanently delete karne ke liye aap File Manager ka use kar sakte hain.
  • Apni websites ki files ka manually full backup kar sakte hain wp-content folder download karke.

Waise to aap saare kaam apne wordpress Dashboard par kar sakte hain magar File Manager ke baare me aapko seekhna bahut jaruri ban jata hai, kyunki kabhi bhi aapko iski jarurat pad sakti hai.

File Manager Ko Access kaise kare?

File manager ko aap apne Hosting Cpanel par aur Filezilla software ke jariye access kar sakte hain.

Yaha main hosting ke Cpanel ke through file manager open kar raha hu.

File manager ko access karne ke liye sabse pahle apne Hosting Account ke Cpanel me login kare.

Login Details aap jab hosting purchase karte hain usi samay aapke mail ID par sent kar di jati hain, agar aapko Login Details nahi pata to aap Live-chat support se Hosting support ki help le sakte hain.

file manager

  • C-panel me jakar File Manager icon par click kare. Lagbhag saari hosting providers ka C-panel alag-alag hota hai lekin har jagah aap File manager same method se dekh sakte hain.
  • File Manager mil jane par us par click kare, ab Pop-up window me Web Root-directory select karke “show hidden files” select kare.
  • Aapka File Manager open ho chuka hai. Ab aap yaha koi bhi Plugin ya theme Delete kar sakte hain. Dekhiye Kaise:-

File Manager Me kisi Bhi Theme/Plugin ko Delete kaise kare?

Kisi bhi plugin/theme ko delete karne ke liye follow below steps:-




file manager directory

Step 1: File Manager ke andar Public_Html Directory me aapki Site ki files available rahti hai, sabse pahle us Directory par click kare.

Step 2: Public_Html par click karne ke baad aapko wp-content folder par click karke open karna hai. Is folder aapki Themes and Plugin ki Files install rahti hai.

Step 3: Wp-content folder ke andar aap “Themes” and “plugins” ke folder dekh sakte hai.

Step 4: Ab aapko koi plugin delete karna hai to “Plugin” folder open kare. Plugin folder me aap sari installed plugin dekh sakte hain. Ab aapko jo bhi plugin delete karna hai us par Right-click karke “Delete” par click karna hai. Same process se aap theme bhi delete kar sakte hain.

file manager
Delete plugin

Tip: Agar aapko yaha apni sabhi plugins ko deactivate karna hai to just plugins folder ko kisi aur name se rename kar de. Uske baad aap apne Dashboard par login karke fir se sabhi plugins activate kar sakte hain.




Comments (0)

Leave a Reply

Your email address will not be published. Required fields are marked *