HomeSecurity

BlueHost Account Me Two-Factor Authentication Enable Kare

Like Tweet Pin it Share Share Email

Kal mujhe Bluehost ki taraf se ek email aaya tha kuch is tarah “hello rohit aapke bluehost account me kisi ne unauthorized location se login karne ke kosis ki hai, plz review your account and change your password”.

Yes, kisi other country ke hacker ne mere hosting account me login karne ki kosis ki, sayad hack karna chahta ho.




Lekin maine brute force attack se safety ke liye apne Bluehost account me already Two Factor Authentication enable kiya hai, jo mujhe deta hai 2 -layer protection.

Aisa nahi ki mera strong password nahi hai wo to already set hai, but for more protection ke liye maine apne Bluehost account ke liye 2-Factor Authentication enable kiya hai.

2-Factor Authentication ke bare me main aapko kayi baar bata chuka hu jisme aapko login karne ke liye ek Digit code enter karna padta hai jo aapne Smartphone or mobile number par receive hota hai. Bina uske aap login kar sakte.

Two Factor Authentication (2FA)

Two-factor authentication ko 2FA or 2-step verification ke naam se bhi jana jata hai. 2FA me aapko apne account me login karne ke liye password aur ek authentication code enter karna padta hai, mean account ke liye double protection.

Two factor Authentication aapke account ko extra security provide karta hai. Kyun ki password kafi nahi hai aapke account ko hacking se safe rakhne ke liye. Agar password weak ho to koi bhi account ko access kar sakta hai.




Enable Two Factor Authentication For Bluehost account

Agar aap bhi Bluehost hosting use karte hain then extra security ke aap apne hosting account ke liye 2FA set kar sakte hain.

Bluehost account ke liye Two-factor authentication enable karne ke baad aap jab apne Bluehost account me login karenge to username and password enter karne ke baad aapko two factor authentication code enter karna hoga jo ki aapke smartphone App ya fir email address par receive hoga.

6-digit code enter karne ke baad hi aap apne Bluehost account me login kar payenge. 6 Digit code aap Mobile aap ya fir email address ke through receive kar sakte hain.

Enable 2-Factor Authentication

Sabse pahle apne Bluehost account me login kare.

  • Account me login karne ke baad sabse top par Account option par click kare
  • Account me Passwords option par click kare

bluehost two factor authentication

Password me sabse below side aap Two Factor Authentication ki setting dekh sakte hain.

Now, listen aap Two-Factor Authentication 2 tarah se set kar sakte hain.




  1. Smartphone par Google authenticator app ke jariye
  2. Email address ke jariye

Google Authenticator App se 2FA enable kare

Sabse pahle apne smartphone me Google Authenticator app download and install kare.

  • Google Authenticator app open kare, Begin Setup par click kare.
  • Scan a Barcode par click kare, now barcode scanner install kare.
  • Barcode reader install karne ke baad fir se Scan a barcode par click kare.

Ab computer screen par aapko jo Bar Code show kar raha hai, wo mobile barcode scanner se scan karna hai. Smartphone camera screen ke saamne laye aur scan kare.

bluehost two factor authentication

Scan karte hi aapke smartphone par authenticator app par 6-Digit code generate hoga, wp code aapko Bluehost two factor authentication setup me enter karna hai. 6-Digit code enter karne ke baad Verify token par click kare. (Remember authenticator App me 6-digit code change hota rahta hai isliye fast code enter kare)

Verify Token par click karne ke baad aapke Account me 2-factor authentication enable ho jata hai.

Ab aap jab bhi apne Bluehost account me login karenge to username and password enter karne ke baad next screen me aapko authentication code bhi add karna hoga.




bluehost two factor authentication

Authentication code aap anytime Google authentication app open karke generate kar sakte hain.

Email Se Two factor Authentication enable kare

Agar aapko Google Authenticator app use nahi karna hai to aap code receive karne ke liye apna email address use kar sakte hain two factor authentication setup karne ke liye.

Email address par Two factor authentication set karne ke liye Bluehost Account » Passwords par below Two factor authentication option me “Don’t have smartphone? click here” par click kare.

bluehost two factor authentication

  • Ab next screen me apna email address enter kare aur update par click kare.
  • Ab aapke email address par ek token number receive hoga jo aapko verify token me enter karna hai. Token enter kare and click verify token.

bluehost two factor authentication




That’s it, aap jab bhi apne Bluehost account me login karenge to username and password enter karne ke baad next screen me aap se code enter karne ke liye poocha jayega, wo code aapke email address par receive hoga.

Final Words

To kuch is tarah se aap apna Bluehost account protect kar sakte hain. WordPress par security bahut jaroori hai, isliye main suggest karunga aap hosting account ke liye bhi 2-factor authentication enable kare.

Login karne ke liye aapko sirf single code enter karna hai jo ki koi long process nahi hai. Smartphone par Google authenticator app se yah kaam aur bhi fast hota hai.

Bluehost ki jagah agar aap other hosting use karte hain? i think usme bhi Two factor authentication feature available hogi. Ask your Hosting provider.

Comments (0)

Leave a Reply

Your email address will not be published. Required fields are marked *