HomeBlogger

Blogger Par Professional Website Kaise Banaye?

Like Tweet Pin it Share Share Email

create blogger blog

Blogger – sabse best platform hai free website/blog banane ke liye, tabhi har new blogger apne blogging career ki shuruat blogger par karta hai.




Meri bhi blogging journey blogger platform se hui thi, uske baad maine wordpress par self-hosted platform par apni website create ki.

Aaj bhi kayi log blogger par sahi tarah se apna Blog/site nahi bana pate.

Main bhi jab new tha to mujhe bhi kuch basic knowledge hi thi, but uske baad maine sab kuch internet par learn kiya aur aaj mujhe blogger ki complete knowledge hai,

tabhi aaj main aapko Blogger par perfect Blog kaise banaye iske bare me step-by-step batane ja raha hoon. 🙂

Blogger Platform Ki Advantages

Aap new hain? aur internet par free website banana chahte hain to aapke liye blogger first choice hai, kyu?




Jaaniye:-

1. 100% Free Hai

Blogger 100 free hai. WordPress ka free platform aapko free me Blog banane ki facility deta hai par Blogger jaisi nahi, wordpress par aapko hosting leni padti hai perfect site banane ke liye.

Blogger par free me ek perfect website bana sakte hain. Jo log bina paisa invest kiye website banana chahte hain unke liye blogger sabse best hai.

2. Aap Domain add kar sakte hain

Blogger par aap apna custom domain name add kar sakte hain. Blogger ka deafult address www.yoursite.blogspot.com kuch is tarah hota hai.

Aap blogspot ko remove karke apna address set kar sakte hain.

3. SEO optimization Settings

SEO (search engine optimization) ki sabhi features  blogger par available hain. Kuch wordpress users aisa sochte hain ki Blogger SEO ke liye better nahi hai.

Par aaj 2016 me blogger par SEO ke liye sabhi options available hain. Abhi-abhi Google ne Custom Robots header tag feature launch ki hai.




Matlab ki Google regular blogger ko user-friendly banane ke liye usme tweaks karta rahta hai.

4. Simple Post Editor

Blogger ka simple post editor kisi bhi new user ke liye samajhna bahut easy hai.

Formatting karne ke liye wo sabhi options available hain jo wordpress post editor me available hain.

5. Custom Theme install kare

Aap blogger ki default theme use nahi karna chahte?

To na kare. Aap koi bhi free or premium Blogger theme apne blog me set kar sakte hain. Premium theme aap kayi sites se just Rs.700 me purchase kar sakte hain.

6. Custom Widget Add kare

Blogger par kayi custom widget available hain jo aap apne site me add kar sakte hain.




Recent post, popular post, contact form, feature post aise kayi free widget available hain jo aap install kar sakte hain.

7. CSS support

Blogger CSS support karta hai aur aap kayi tarah ki new CSS styles and widget apne blog me add kar sakte hain.

Maine aapko blogger par CSS se headings style kaise kare iske bare me bataya tha bus waise hi aap other css style blogger me add kar sakte hain.

8. Adsense compatible

Apne Blog se paisa kamana chahte hain, ji ha blogger fully adsense optimized hai.

Aap apne blog par adsense ke liye apply kar sakte hain aur ads apne Blog me add kar paisa kama sakte hain.

9. Full Security

Blogger- Google owned hosted platform hai isliye aapko apne blog ki security ki koi tension nahi rahti.




10. 15GB Storage Free

Blogger par aapko 15GB Free storage provide kiya jata hai ji kisi bhi user ke liye enough hai site rin karne ke liye.

Aap heavy files upload karte hain to aap storage bhi buy kar sakte hain.

To chaliye Blogger par free Blog/website banakar dekhte hain.

Blogger Par Blog/Website Kaise Banaye?

Google ki sabhi products ko aap apni single Gmail account se access kar sakte hain.

Blogger use karne ke liye aapko koi new gmail account create karne ki jarurat nahi hai.

1. Create Blog/website

1

Sabse pahle Blogger.com par visit kare aur apni Google ID se login kare. Yaha aapko New Blog par click karke apna Blog banane ki shuruat karni hai. (see below)

Blogger Add new Blog
Click New Blog
2

New Blog par click karne ke baad ab New small window me aapko apna Blog Title, Blog Address and Blog template select karke Create Blog par click karna hai. (See Below Image)

  • Blog address me aap kuch add kar sakte hain, kyunki baad me hum custom domain add kar sakte hain.
  • Koi bhi theme choose kar sakte hain, baad me aap apni favourite theme install kar sakte hain.

create blog blogger

3

Create Blog par click karte hi hamara Blogger Blog create ho chuka hai. Aap apne new Blog ko dekh sakte hain.

2. Blogger Blog/Website Me Domain Name ADD kare

Aapka New blog bankar ready hai. Ab aapko sabse pahla kaam karna hai Custom Domain Name ADD karna.

Abhi aapke Blog ka Address “AskmeQuote.blogspot.com” kuch aisa hai. Yaha aapko “blogspot.com” remove karke “AskmeQuote.com” aisa Address banana hai. Aur aisa aap Custom Domain Name ADD karke kar sakte hain.

Custom Domain aap kisi Bhi Domain Provider se purchase kar sakte hain. Main Yaha BigRock.com se Domain Name Purchase kar raha hu.

BigRock.com par jaye aur apna Domain name search kare.

search domain name

  • Search Bar Me apni Website ke Topic se related Name enter kare. For example: Main Quote ki website bana raha hu to maine AskMeQuote type kiya hai. Now Click on Go.
  • Search karne ke baad agar aapka Domain Name Available hai to ADD par click kare. Agar available nahi hai to dusra name add karke again search kare.
  • Yaha aap .com, .net, .org, .in – koi bhi domain select kar sakte hain.

Domain Name ADD karne ke baad Checkout par click karke Payment kare. Payment karne ke liye apna Account Bigrock par create kar le.

Aapne Domain Name purchase kar liya hai. Ab is Domain name ko hume apne New Blog par ADD karna hai.

Blogger par Bigrock se purchase kiya gaya Domain Name kaise ADD karte hain iske liye hamari is post ko Read kare –

Read: BigRock se Domain Name Blogger me Kaise ADD kare?

Humne Apne Blog Me Custom Domain Bhi ADD kar liya hai.

Ab next hume apne Blog ko Beautiful & professional Banana hai iske liye perfect theme search kare.

3. Blogger Me Professional Theme Upload Kare

Blogger theme aap free & Premium Download kar sakte hain. Main yaha aapko suggest karunga ki Premium theme hi Purchase kare. Kyunki Free theme me unnecessary coding aati hai jo aapki site ko slow banati hai.

Premium Theme clean hoti hai aur aap CopyRight link bhi hata sakte hain. Blogger ke liye Premium theme aap just Rs.500 me Purchase kar sakte hain.

Ek baat aur Blogger theme aapki responsive hona jaruri hai. Responsive theme Mobile screen par aapki website ko better show karti hai.

Soratemplates.com – ek aisa place hai jaha se aap Beautiful Responsive Blogger theme just Rs.500 me purchase kar sakte hain, Main jab Blogger use karta tha tab maine kayi themes yaha se Purchase ki thi.

Theme Purchase karne ke baad ab hume theme apne Blog me upload karna hai.

Theme Upload karne ke liye Blogger dashboard par Template option par click kare, yaha Right-side top par Backup/Restore par click kare.

blogger backp restore

Ab small window open hogi jaha hume apni theme upload karna hai.

Blogger Theme .xml file extension me hoti hai isliye jaha se bhi theme download kare, agar wo ZIP file me hai to extract kar le.

Choose file me template ki XML file select kare aur upload button par click karke theme install kare.

blogger theme upload

Humne Successfully theme upload kar li hai. Ab Layout par jakar aap ise customize kar sakte hain.

Customize karne ke liye theme me provide kiye gaye documents read kare, aapko full guide mil jayaegi.

4. Contact Us, privacy, About us ADD kare

Apni site ko design karne ke baad ab kuch jaroori pages aapko apne blog/site me add karna jaroori hai. Wo pages hain Contact us, Privacy Policy and About Us.

1. ADD Contact Us Page

Contact page ADD karne ke liye aapko kisi third-party widget ki jarurat nahi hai. Google ka official contact page sabse best and trusted hai, main wo hi aapko suggest karunga.

Google contact page aap apni site/Blog me SideBar ya footer widget me laga sakte hain.

Contact page ADD karne ke liye Layout » ADD gadget » More Gadget– yaha contact form + par click kare. Aapka Widget ADD ho jayega. (See below image)

contact form blogger

Agar aapko yah contact us widget page me set karna hai to wo bhi aap kar sakte hain,

Read: Blogger me simple contact us page kaise add kare?

2. ADD About and Privacy Page

Apne Blog me About us page and Privacy page ko ADD karna bahut hi jaruri hota hai. Google in pages ko Adsense Approve karne ke liye check karta hai. Agar ye pages nahi hai to ho sakta hai aapki adsense application reject ho jaye.

About Us page – Me aapko apne bare me Details me likhna hai. Aap kya karte hai, kaha rahte hain, aapki blogging journey etc etc. Yah page bahut jaruri hota hai. Aapke Visitors aapke bare me jitna janagne utna trust wo aap par karenge.

Privacy Page – Me aap apne visitors ki privacy ki kitni care rakhte hain wo likhna hai. Aap Visitors ke email ka use karte hain ya nahi, cookies use karte hain ya nahi, aap apni site par ads use karte hain ya nahi – yah sab add karna hota hai.

Privacy policy aap Online generate bhi kar sakte hain agar aapko jyada knowledge nahi hai, privacy policy generator par jakar aap yah kar sakte hain.

About & Privacy ADD karne ke liye Blogger me Pages »New Page par click kare. Yaha details type karke Page publish kar de.

add page blogger

Ab in pages ki link ko apni theme me Navigation menu me add kar de.

5. Blogger Sitemap create kare

Blogger ka Sitemap matlab aapki posts and pages URL ki xml file, yah XML file ko Google and Bing search engines ke robots read karte hain aur aapki site ko index karte hain.

Sitemap add karne se aapki site fast index hoti hai aur Google search me show karti hai.

Read: Blogger me sitemap kaise add kare?

6. SiteMap Google and Bing Me Submit kare

Website/Blog ka sitemap create karne ke baad aapko apni site ka sitemap Google and Bing me submit karna bahut jaruri hota hai.

Sitemap Submit karne ke baad hi aapki Website Google and Bing ke search results me show karti hai.

Google and Bing me Sitemap kaise Submit karte hain iski Details Maine Apni below post me share ki hain.

 7: Start Posting

Apni website ka setup humne complete kar liya hai. Ab hume High Quality Articles post karna hai. Yaha main kuch tips de raha hu jo aap Post karte samay follow kare.

  1. Apni Post ka Title 70 character se neeche rakhe, Title long nahi hona chahiye.
  2. Post likhte samay keywords ka use kare. Keywords se hi search result me hamari post show karti hai. Keywords mean aapki post ka topic se related words.
  3. Keywords ko Highlight kare. keywords ko Bold and Italic me type kare.
  4. Post ke andar images use kare. Images ko upload karne se pahle compress jaroor kare.
  5. Post ko social sites facebook, twitter,Google+ etc par share jarur kare. Aap facebook page and Google+ page banakar apni site ko promote kar sakte hain.

8. 6 Month ke baad AdSense Ke liye Apply kare

Six month apne Blog/site me behtar article likhe, blog ko design kare, professional banaye.

Ab six month ke baad hume Adsense ke liye apply karna hai aur apne Blog se paisa kamana start kar dena hai.

Google Adsense India me new Blog ko six month ke baad hi adsense approve karta hai.

Agar aapko fast approval chahiye to youtube par channel banaye aur wha se adsense ke liye apply kare.

Meri aapko salaah hai ki perfect site banakar hi Adsense ke liye application submit kare.

9. Adsense Approve ho jane ke baad Ads Blog me Lagaye

Ok, to aapka Adsense Approve ho gaya. Ab aapko Adsense Account open karna hai aur Ads apne Blog me add karna hai.

Adsense Ads Kaise Create karte hain iski Detailed Post maine publish ki hai See:

Ads create karne ke baad Blogger par aap SideBar, Header, Footer me Ads laga sakte hain.

Read: Blogger me AdSense ads kaise lagaye?

That’s All.

Bus ab high quality articles publish kare aur apne Blog ko update karte rahe, keep patience. Blogging me aapko bahut patience rakhne ki jarurat nahi hai.

Aapki site par traffic aane me wakt lagega aur earning me bhi kafi time lagega. Bus aapko posting karte rahna hai aur apne visitors ke sath achha relation banakar rakhana hai.

Comments (11)

Leave a Reply

Your email address will not be published. Required fields are marked *