HomeAdSense

AdSense Se Paisa Kaise Kamaye [Beginners Guide]

Like Tweet Pin it Share Share Email

adsense apply guide

Aaj bhi kayi new bloggers jo apne site ko monetize karna chahte hain, money earn karna chahte hain wo Adsense ke bare me bahut kam knowledge rakhte hain aur baar-baar apply karne kee baad bhi adsense account approve nahi kar pate.




Main apni post se Adsense ke bare me batane ja raha hu jisme aap read karenge:-

  1. AdSense Kya hai?
  2. AdSense Kaise Work karta hai?
  3. AdSense ke liye Kaisi Website Honi Chahiye?
  4. AdSense Application kaise Submit kare?

ok, to hum one-by-one in sawalo ka jawab aapko dete hain:-

 

1.Adsense Kya hai?

Adsense world ka sabse trusted and popular Ad network hai jo Google ne start kiya hai. Adsense aapko Ads offer karta hai jo aapko apni website me show karni padti hain, aapki site par visitors jab us ad par click karte hain to aapko paisa milta hai.

Nahi samjhe chalo simple words me samjhata hu, aap tv serial to dekhte honge? Serial ke beech me badi badi company Ads show karti hain bus google adsense bhi yahi kaam karta hai. Adsense tv serial ki jagah aapki website par ads show karta hai.




Jaise popular tv serial ke liye company ads show karna jyada pasand karti hain waise hi popular aur achhi website ko Adsense bhi pasand karta hai.

Lagbhag Worlds ki sabhi website Adsense ki ads apne website par use karti hai aur karodo paisa kamati hain. Aap bhi website start karke adsense se kama sakte hain. Bus jarurat hai thodi mehnat aur knowledge ki. Mehnat aap kare, knowledge ke liye hum hain aapko guide karne ke liye.

2. Adsense Kaise Work karta Hai?

Adsense ki Ads jab aap apni site par lagate hain to aapki site ke content ke according ads show hoti hai. Suppose aapki site mobile se related hai to aapki site par mobile phones ki ads show karegi.

Ab jab koi user us ad ko open karega aur dekhega to aapko paisa milta hai. Ad par click karne wala person jitna jyada time ad par spend karega utni jyada aapki earning hogi.

Adsense par har ad ki alag-alag keemat (bid) hoti hai aur uske according aapki earning hoti hai. Maan lo kisi ad ki bid $1 hai to aapko click ke $1 milenge.

Aapki website par traffic jitna jyada hoga utna jyada aap paisa kama sakte hain.

 




3. Adsense Ke liye Kaisi Website Chahiye?

Adsense Account pana itna easy nahi hai, aapko ek professional look ki website banana jaruri hai aur us se bhi jyada jaruri hai Quality Articles ki.

AdSense ke liye aapko website kaise banana hai, see:-

1: Website Platform Select kare

Aapko kis platform par apni site banana hai? Wo decide kare. Yaha aapke paas 2 platform hai:

  1. blogger
  2. WordPress.org

Pahle hun in dono patform ke bare me short me jaan lete hain taki aapko pata chae ki kaun sa platform aapke liye best rahega.

1: Blogger

Blogger ek free platform hai jaha aap apne Gmail Account se signup karke free Blog/site bana sakte hain. Yah Google hosted hai isliye aapko hosting lene ki bhi jarurat nahi hai.




Blogger par Adsense approved Site kaise banate hain – yah guide read karke aap apna successful blog/site bana sakte hain.

2: WordPress.org

Is platform par aap hosting purchase kar worpdress software install karke apni site bana sakte hain. Yaha aapko thoda money spend karna padta hai.

WordPress blogger se kafi best hai, yaha aap apni site ko jaise chahe waisa bana sakte hain. Agar aap seroius income karna chahte hain to wordpress par self-hosted site hi banaye. WordPress par site kaise banaye– yah guide read karke aap apni site bana sakte hain.

2: Website Theme select kare

Blogger or wordpress dono par site banane ke baad ab aapko professional theme apni site me install karna hai. Adsense apply karne se pahle aapko apni site ke look par khaas dhyaan dena jaruri hai.

Blogger par aap Rs.600 me soratemplates jaisi site se theme buy kar sakte hain, theme ke sath documents bhi provide kiye jate hain jis se aap easily theme ko setup kar sakte hain.




WordPress par site banane ke baad yaha bh aap professional quality ki theme apni site me lagaye. Aap Premium or free koi bhi theme use kar sakte hain. WordPress ke liye best sites ke bare me read kare – yaha aap low price me theme buy kar sakte hain.

3: Website ko Design Kare

Apni site me theme add karne ke baad aapko theme properly set karna hai. Menu bar, sidebar, footer, header – in sabko perfect karna hai.

Website ke liye professional logo design kare, aap Fiverr se $5 me professional look ka logo design karwa sakte hain.

4: Website me jaruri Pages Add kare

Apni site me Adsense Apply karne se pahle aapko kuch jaruri pages add karne hote hai, jinko adsense team khaas check karti hai.

Pages jo aapko apni site me add karna hai wo hain – Contact us, About, Privacy policy.

5: Website me quality Post likhe

Ab aapko 40-50 Quality post likhna hai. Aapki post 1000+ words ki hona jaruri hai, post me images ka use bhi kare.

SEO friendly post kaise likhte hain iske liye aap hamari yah Guide dekh sakte hain – wordpress me SEO friendly post kaise like?

Ok, to aapne ek professional website design kar li hai aur post bhi kar li hain, ab aap ready hain Adsense Apply karne ke liye.

 

 

But wait, in cheejo ka khaas dhyaan rakhe:

  1. Aapki Post Copy ki hui na ho, kisi dusre ki post copy na kare.
  2. Aapki site me koi dusri ads na lagi ho.
  3. Aapki site par 200-300 daily visit ho.
  4. Aapki site 6 month old hona jaruri hai.

4. AdSense Application Kaise Submit kare?

Hmm, after 6 month ab hum apni website ke liye Adsense application submit karne ja rahe hain, see how:-

Step 1: Sabse pahle https://www.google.com/adsense/ par jaye aur Signup Button par click kare.

Step 2: Ab aapko Sign-in aur create account ka option aayega. Yaha main aapko suggest karunga ki Create Account par click karke ek special account banaye. Ya fir Sign-in option par click kare apne current gmail id se account banaye.

adsense signup

Sign-in karne ke baad your website me apni website ka address type kare and apni website ki language select kare. Ab aap hindi website par bhi ads laga sakte hain.

adsense apply form

Step 3: Ab your information me aapko apni details add karni hain (See image). Image me jaisa maine form fill-up kiya hai waise apni details add kare.

Payee Name, Address and Phone number carefully add kare, warna aapki poori mehnat bekar jaayegi. Payee name me apne bank account jaisa hi name add kare taki payment deposit hone me asani rahe.

Saari Information fill-up karne ke baad Submit my Application par click kar de. That’s it aapki Application sent ho chuki hai.

Aapki Application Kab Approve hogi?

Application submit karne ke baad ab Google aapki website ko check karega ki ads lagane ke liye site perfect hai ya nahi.

Google ki taraf se aapko mail aayega ki apni site par ads lagaye taki ham check kar sake. Agar aap Adsense account se login kar pa rhe hain to jald se ads create karke apni site par laga de.

Abhi aapki site par ads blank show karegi kyunki aap ka account abhi approve nahi hua hai. 48 hours ke andar aapko mail ke jariye bata diya jayega ki aapka Adsense approve hua hai ya nahi.

Agar Adsense Approve ho gaya hai to bahut achchi baat hai. Ab aap apni site par ads laga sakte hai poori tarah se. Agar aaprove nahi hua hai to don’t worry apni site ko improve kare, design, article aur visitors badhaye. uske baad fir se apply kare.

Note: Agar aapki Application Reject ho jaye to baar-baar application submit na kare, warna Google aapko Spam lost me add kar dega, aur aapko ignore karega.

Reject hone ke baad apni site ko improve  kare, aur 2-3 weeks ke baad fir se application submit kare.

Adsense Approve hone ke baad yah dhyan rakhe

  1. kabhi bhi apni ads par click na kare, Google har cheej par nazar rakhta hai. Thodi si galti aapko ban kar sakti hai.
  2. Kisi aur ko ads par click karne ke liye na kahe.
  3. Site par per page aap keval 3 display ads, 3 link ads aur per site ek search engine hi laga sakte hain.
  4. Third party ads lagane se bache.

$10 Hone ke baad aapko PIN receive hoga?

Jab aapki earning $10 tah pahuch jayegi tab aapko adsense account par message milega ki aapki PIN aapke address par send kar di gayi hai, us pin ko receive karke Adsense me enter kare.

PIN enter karne ke baad aapka address verify ho jayega aur $100 hone ke baad aap apni payment cheque ya direct bank transfer se receive kar sakte hain.

Conclusion

I hope hamare new beginners ko yah post kafi pasand aayi hogi. Is post ko padhne ke baad agar ab bhi aapke man me koi sawaal hai to comment karke pooch sakte hain, i will try my best to resolved your query.

Comments (4)

Leave a Reply

Your email address will not be published. Required fields are marked *